1 Webena 24 - mzwDBL

Toma baa kpɔa do sɔfore nɔn ta

¹ Kenii Arɔn bibaala ne o naanar waa do. O bibaalaa, Nadab ne Abihu ne Eliasa dɛ Itama.

² Kɛ Nadab ne Abihu te sewɔ mɔɔ ba mɛɛ sewɛ, ba ta bibaala lolɛ anomanta, Eliasa ne Itama ɛ sɔfore toma.

³ Eliasa naa Sadɔk ne Itama ɡe naa Ahemɛlɛk cha Kooro Devid, asɛ o bɔne Arɔn naanar la bini kuore ta, dɛ kpɔ bɛlbwa toma do o nɔn ta.

⁴ Nomonome warɔ le Eliasa naanar bini ɡwaa Itama naanar. Dɛ ba bɔne ba kuore fi dɛ banumɛl. Nomonnyuune fi dɛ banumɛl le Eliasa naanar bini, asɛ banuatoro ɡe le Itama naanar bini.

⁵ Ba ta bɛl nyine dɛ ɡwaa o dɔŋ dɛ bil daa, dɛ nomonome baa nyiŋi Korowii Dea bela lole, asɛ sɔfore ɡe do le, bane ɛ Eliasa naanar bane ɡe ɛ Itama naanar.

⁶ Nɛtanɛl bibaa Sɛmaya waa ɛ Lewi dea te, onee chwerɛ ba sɔna Kooro Devid ne o nomonome bwa sie. Sadɔk waa ɛ sɔfo ne Abiata bibaa Ahemɛlɛk, ne sɔfore dea ne Lewi dea nomonnyuune ɡe jao, ba chwerɛ sɔna la. Ba le dea beŋkpoŋ le Eliasa naanar bini, dɛ le bɛl le Itama naanar ɡe bini.

⁷ Loɡle kon lawɛ Jehoiarib, nɛɛte ɛ Jedaya,

⁸ toorote Harim, naarɛte ɛ Seorim,

⁹ nuete Malkija, numɛlte ɛ Mijamin,

¹⁰ nuanɛte Hakɔs, nuatoro ɛ Abija.

¹¹ Anuanaarɛ Jesua, fite ɛ Sɛkania,

¹² fi dɛ beŋkpoŋ ɛ Eliasib, fi dɛ anɛ Jakim,

¹³ fi dɛ atoro ɛ Hupa, fi dɛ anaarɛ ɛ Jesebeab,

¹⁴ fi dɛ anue ɛ Bilɡa, fi dɛ anumɛl ɛ Ima.

¹⁵ Fi dɛ anuanɛ ɛ Hesir, fi dɛ anuatoro ɛ Hapesɛs,

¹⁶ fi dɛ anuanaarɛ ɛ Pɛtahea, fifraanɛ ɛ Jehɛskɛl.

¹⁷ Fifraanɛ dɛ beŋkpoŋ ɛ Jakin, fifraanɛ dɛ anɛ ɛ Gamul,

¹⁸ fifraanɛ dɛ atoro ɛ Delaya, fifraanɛ dɛ anaarɛ ɛ Maasia.

¹⁹ Gɛɛ ba lee ba dɛ kpɔ do ba nɔn ta, ba teŋɛ kaa jo Korowii Dea bela kaa ɛ toma, ɡɛ Korowii Israel tena aa dɛ tomɔ aa cheɡɛ ba nabaa Arɔn nɛɛ do ba la.

Lewi dea nɛra kabora

²⁰ Lewi naanar kar. Le Amram bibaala, Subael. Le Subael ɡe bibaala, Jedeya.

²¹ Rehabia ɡe bibaala bini, Isihia, onee biloɡle.

²² Isiha tena ɡe la, Sɛlomɔt. Sɛlomɔt bibaala ɡe bini, Jahat.

²³ Hɛbrɔn bibaala waa lol ba laanee Jɛrea, onee biloɡle asɛ Amaria teŋɛ nɛɛ, Jahaseɛl teŋɛ tooro asɛ Jekameam teŋɛ naarɛ.

²⁴ Usiel bibaa, Maeka. Maeka ɡe bibaala, Samir.

²⁵ Maeka nime, Isihia. Isihia bibaala, Sekaria.

²⁶ Merari bibaala, Maali ne Musi. Jaasia bibaa, Beno.

²⁷ Merari bibaala, Jaasia luɡe ta, Soham ne Sakur dɛ Ibri.

²⁸ Maali ɡe bibaala, Eliasa ne Kes, kɛ Eliasa ta bibaala lolɛ.

²⁹ Kes luɡe ta, o bibaa Jeramiil.

³⁰ Musi ɡe bibaala, Maali ne Ida dɛ Jerimot. Banee Lewi naanar ne ba lolanar.

³¹ Ba ɡe bil daa kɛŋɔ ba dɔɔranar Arɔn naanar aa ɛa la, Kooro Devid ne Sadɔk ne Ahemɛlɛk dɛ sɔfore nomonnyuune ne Lewi dea nomonnyuune la bwa sie. Ba nyiŋi dea bɛlbwa binomoa, dɛ nyiŋi bechale bwa kɛrɛdɛ, bɛl ta bɛl ɡwaalɛ.