1 Webena 2 - mzwDBL

Bibaala Jekɔb aa lol ba

¹ Bibaala Jekɔb aa lol ba laanee nɔ. Rubin ne Simeon ne Lewi ne Juda ne Isaaka dɛ Sebulon,

² ne Dan ne Josef ne Bɛnjamen ne Naftale ne Gad dɛ Aasa.

³ Juda ɡe bibaala waa lol ba laanee nɔ. Ɛr ne Onan dɛ Seela. A ɡɛ bibaala batoro nɔ, o ne o haah Sua waa ɛ Keenan te laanee lol ba. Dɛ Ɛr waa ɛ Juda biloɡle la ɛ wechɔɡa, dɛ jo Korowii nɛ, anomanta, Korowii kpoo.

⁴ Juda bibaa haah waa ɛ o helahaah sɔne Taama, o ne o lolɛ Pɛrɛs ne Sɛra. Juda bibaala waa lol ba bwa lɔ banue.

⁵ Pɛrɛs lolɛ bibaala banɛ. Banee, Hɛsrɔn ne Hamul.

⁶ Sɛra ɡe lolɛ bibaala banue. Banee, Simri ne Etan ne Heman ne Kalkol dɛ Daada.

⁷ Kaami ɡe lolɛ bibaa, o sɔne Akan. Onee kpɔ kwaa baa lea cheɡ tɛ Korowii berɛ o kwa, dɛ ba waa ne ba tɛ Israel tena la.

⁸ Etan ɡe lolɛ bibaa beŋkpoŋ, o sɔne Asaria.

Kooro Devid luɡe nɛra

⁹ Bibaala batoroo Hɛsrɔn lolɛ. Banee, Jeramiil ne Ram dɛ Kaleb.

¹⁰ Ram iro dɛ lolɛ Aminadab, Aminadab ɡe lolɛ Naasɔn, o ɛ Juda tena sitɔɔla bini bɛl.

¹¹ Naasɔn iro dɛ lolɛ Salmon, Salmon lolɛ Boas,

¹² Boas lolɛ Ɔbɛd, Ɔbɛd lolɛ Jese.

¹³ Jese lolɛ o biloɡle baa yerɔ Eliab, nɛɛte sɔne Abinadab, toorote ɡe Simia,

¹⁴ Nɛtanɛl teŋɛ naarɛ, Radai teŋɛ nue,

¹⁵ Osem teŋɛ numɛl, Devid teŋɛ nuanɛ.

¹⁶ Ba nimambihaahnaa, Seruya ne Abiɡel. Seruya bibaala batoro waa lol ba sɔne Abisae ne Joab dɛ Asahɛl.

¹⁷ Abiɡel lolɛ Amasa, o mɛɛ baa bɛl baa dɛ yerɔ Jɛta, o ɛ Ismael naa.

Hɛsrɔn naanar

¹⁸ Hɛsrɔn bibaa Kaleb mo haahna banɛ, bɛl sɔne Asuba, bɛl ɡe Jɛreɔt. Asuba lolɛ bibaala batoro, banee, Jɛsa ne Sobab dɛ Aadɔn.

¹⁹ A habɔɔ, Asuba baa sewɛ, asɛ Kaleb ka mo Efrat dɛ lolɛ bibaa baa yerɔ Hur.

²⁰ Hur ɡe iro dɛ lolɛ Uri, Uri ɡe lolɛ Besalɛl.

²¹ A habɔɔ, Hɛsrɔn aa dɔ bene fifraanumɛl la, o mo Makir bihaah waa ɛ Gelead nimambie. Ba lolɛ bibaa baa yerɔ Seɡub,

²² asɛ Seɡub ɡe ir dɛ lolɛ Jɛɛ. Dɛ Jɛɛ dɛ nyiŋi bwɛjena fifraanɛ dɛ atoro ta Gelead harɛ ta.

²³ Kɛ Gesur ne Aram harɛre tena yo bwɛɛre fifraanumɛl. Havɔt Jɛɛ ne Kenat, dɛ bwɛɛre aa baro cheme bwa ɡe jao. A ɡɛ nɛra nɔ baa soɡe bela bwa ɛ Gelead mɛɛ Makir naanar.

²⁴ Hɛsrɔn aa sewɛ Kaleb Efrata habɔɔ la, Hɛsrɔn haah Abija lolɛ Asur waa vɔrɔwe bwɛɛ baa dɛ yerɔ Tekoa.

Jeramiil naanar

²⁵ Hɛsrɔn binomoa Jeramiil bibaala waa lol ba laanee, Ram, o ɛ biloɡle, ne Buna ne Oren ne Osem dɛ Ahija.

²⁶ Dɛ Jeramiil dɔ haah bɛl baa dɛ yerɔ Atara, o bibaa sɔne Onam.

²⁷ Jeramiil binomoa Ram bibaala waa lol ba laanee nɔ, Maas ne Jamin dɛ Eka.

²⁸ Onam ɡe lolɛ bibaala banɛ. Banee, Samai ne Jada. Asɛ Samai ɡe bibaala banɛ waa lol ba laanee, Nadab ne Abisur.

²⁹ Dɛ Abisur haah sɔne Abihel, o ne o lolɛ Aban ne Molid.

³⁰ Nadab ɡe bibaalaa, Sɛlɛd ne Apaem. Kɛ Sɛlɛd te ta bii dɔe, dɛ sewɛ.

³¹ Apaem ɡe bibaa sɔne Isi, o ɡe aa ira la, o lolɛ Sɛsan. Asɛ Sɛsan ɡe lolɛ Alae.

³² Jada waa ɛ Samai nime ɡe lolɛ bibaala banɛ. Banee, Jɛta ne Jonatan. Jɛta te ta bii lolɛ dɛ sewɛ.

³³ Jonatan lolɛ bibaala, banee, Pɛlet ne Sasa. Jeramiil naanaree a ɡɛ nɛra nɔ bwa.

³⁴ Sɛsan ta bibaala lolɛ, bihaahna ɡboo. Dɛ o dɔ Ijipt bonɔɔ bɛl baa yerɔ Jarha.

³⁵ O lawɛ o bihaah la bɛl tɛ o bonɔɔ Jarha o mo, dɛ lolɛ bibaa baa yerɔ Atai.

³⁶ Atai lolɛ Netan, Netan lolɛ Sabad,

³⁷ Sabad lolɛ Eflal, Eflal ɡe lolɛ Ɔbɛd,

³⁸ Ɔbɛd lolɛ Jehu, Jehu ɡe lolɛ Asaria.

³⁹ Asaria lolɛ Hɛlɛs, Hɛlɛs ɡe lolɛ Eleasa.

⁴⁰ Eleasa lolɛ Sismai, asɛ Sismai lolɛ Salum.

⁴¹ Salum lolɛ Jekamia, Jekamia ɡe lolɛ Elisama.

Kaleb naanar bane ɡe

⁴² Jeramiil nime Kaleb bibaala waa lol ba laanee, Mesa waa ɛ o binomoa, onee lolɛ Sif, asɛ Sif ɡe lolɛ Maresa waa ɛ Hɛbrɔn tena nabaa.

⁴³ Hɛbrɔn ɡe bibaala waa lol ba laanee. Kora ne Tapua ne Rekem dɛ Sema.

⁴⁴ Sema ɡee lolɛ Raham, Raham ɡe ir, dɛ lolɛ Jɔɔkeam, Rekem ɡe lolɛ Samai.

⁴⁵ Samai bibaa waa lolɔ sɔne Mayɔn, asɛ Mayɔn ɡe ir, dɛ lolɛ Bɛt Sor.

⁴⁶ Kaleb sɛno baa dɛ yerɔ Efa la bibaalaa, Haaran ne Mosa dɛ Gasɛs. Haaran ɡe lolɛ Gasɛs.

⁴⁷ Jadai ɡe lolɛ bibaala banumɛl, banee, Rɛɡɛm ne Jotam ne Gɛsan ne Pɛlɛt ne Efa dɛ Saaf.

⁴⁸ Kaleb dɔ sɛno bɛl baa yerɔ Maaka. O lolɛ bibaala banɛ, Sebar dɛ Tirihana.

⁴⁹ Maaka berɔ lolɛ Saaf waa vɔrɔwe Madmana, ne o bibaa Sɛva o ɡe aa vɔrɔwe Makbɛna ne Gibia. Dɛ Kaleb bihaah sɔne Aksa.

⁵⁰ Gɛɛ Kaleb naanar waa do. Kaleb binomoaa Hur, o ne o haah Efrataa lolɔ. Hur ɡe bibaa sɔne Sobal, onee vɔrɔwe Kiriat Jearim,

⁵¹ o binɛɛte sɔne Salma, onee vɔrɔwe Bɛtlɛham. Bitoorote ɡe sɔne Harɛf, o ɡee vɔrɔwe Bɛt Gada.

⁵² Sobal waa vɔrɔwe Kiriat Jearim la naanaree, Harowɛ tena ne Manahat tena pera,

⁵³ ne Kiriat Jearim deene ane kɛŋɔ, Itri ne Put ne Sumat dɛ Misra tena. Ba binii Sora tena ne Ɛstaol tena le.

⁵⁴ Salma naanaree, Bɛtlɛham ne Nɛtɔfa ne Atrɔt Bɛt Joab, ne Manahat tena pera baa ɛ Sor tena,

⁵⁵ ne deene nɛra baa dɔ waa chwera dɛ bil wejema soɡe Jabɛs. Banee Tira ne Simeat dɛ Suka tena. Banɔɔ Ken tena baa le Haamat dɛ ɛ Rekab mɛɛ dea luɡe nɛra.