Bìoball air-loidhne

Titi 2 - Mahou

Mɔɔn olu kala téeɲan o la

¹ Wáa íle Tite, mɔɔn olu kala káa nzɛ́nnɛnyanin ŋó la.

² A fɔ cɛkɔɔnin ŋolu yɛ kó i kɛ́nan kɛ mɔɔn lánganndiminnin nu le; ké ii kɛ́ mɔɔn sɛwɛman nu le, ke íi sé i yɛ́ɛlɔmyaanla, ké i sɛ́nnɛnyanin ŋán kɛ lánanya o lɔ, óni dhyáaɲɔɔnya o lɔ, óni lɔ́jali o lɔ.

³ O ɲán kée ŋo mán, musokɔɔnin ŋólu yɛ dínɲanlɔtɛɛ o á dhyáa Ala yɛ. I kɛ́nan kɛ mɔɔntɔɔcaanmaa lu le, i kɛ́nan kɛ dɔ́lɔ o ta yɔ ne, i kákan ne kɛ mɔɔn olu ládhye kóbhɛɛkɛ o la,

⁴ kɛ kwɛ́ɛnkwaa olu kala, ké olu cɛ á dhyaa i yɛ, óni i dhyé ŋólu a dhyáa i yɛ,

⁵ ké íi sé i yɛ́ɛlɔmyaanla, ké i sɛ́nnɛnyanin ŋán kɛ, ii kwɛ́ɛn olu kala, ké olu á í yɛ́ bhónan bháala olu kɛ cɛ́ɛne, yóso swáanya o lɔ, i lo ŋán kɛ mɔɔnbhɛɛ lu le, ke kwɛ́ɛn olu á í mányii i cɛ olu yɛ, ké mɔɔn si kɛ́nan fyɛn sɔɔ Ala saaninkan ŋo la.

⁶ A fɔ káwee ŋolu yɛ kó ii i yɛ́ɛlɔmyaan.

⁷ Íle, í gbú o á kɛ́ kóbhɛɛkɛbhaa le kó o bɛ́ lɔ, ké mɔɔn olu a táamankɛ íle síya le. I yɛ́ kaa ŋo a kɛ́ kaa nzɛnnɛnyanin né, ni sɛwɛya le.

⁸ Íi kóman téenin ŋólu fɔ́, mɔɔn olu tɛ́ sé wóo céla í la kaa mínnu lɔ. Ní í kɛ a kɛ cé, í yúu olu yáa maloya, kɛ mansɔɔ, i táa se fyɛn sɔ́ɔla án nee la, kɛ o fɔ́.

⁹ A fɔ́ bháalakɛdhye ŋolu yɛ kó, ii í kúnndii olu bwóɲan kó ó bɛ́ lɔ. Ké ii í lɔ́ja kɛ dhyáa i kúnndii olu yɛ. I kɛ́nan sɔsɔyabhyaa i kúnndii olu la.

¹⁰ I lo manngan kɛ i kunndii olu yɛ́ fé nɔ́n soɲan. Wáa i kákan né kɛ kɛ́ lánanmɔɔn lu le kó o bɛ́ lɔ, o bhóo o mán mɔɔn olu ɲán yáa bhɔ́ án ngísibhaa Ala yɛ káa ŋo fɛ́.

Ala yɛ nɛ́nmɛn o

¹¹ Tínɲan in né, Ala wɛ́ɛ a yɛ nɛ́nmɛn o yáa mɔɔn olu la, mɔɔn bɛ́ káa kísili o sɔɔ o mín nɔn.

¹² O nɛ́nmɛn oo án ngála nan le, ké án ni án ngwɔ́lo yúumu olu la, óni dínɲan nɛ́li yóo ŋolu la. Aa án ngála nan íkwɔ, ké án ni sé án ɲɛ́ɛlɔmyaanla án ɲɛn dínɲanlɔtɛɛ olu lɔ lúukolo o ka, téeɲan o lɔ, kɛ dínɲanlɔtɛɛ o kɛ óyoo aa dí Ala yɛ ɲán mín mán,

¹³ án ɲíin é nísɔdhyaa mín mán, sáni o a sé, án ɲɛ́n Ala bá óni Kísibhaa Ɛnza Ngílisi o yáa a yɛ́ɛ yaa ni nɔ́lɔya bá le.

¹⁴ Aa a ní o dí án néelu kósɔn, kɛ án néelu kúnmanka yúumu o bɛ́ lɔ. A tɛ́ɛ fɛ le, kɛ án néelu kɛ mɔɔn sɛ́nnɛnyanin nu le, yaman mín ŋe ale ta le, mín nɔ́bhyɛnin ngáa kɛ wáati bɛ, kɛ ko bhɛ́ɛ kɛ.

¹⁵ Í kákan kɛ mɔɔn olu kala mín nan, o lée wé. Íi i fáan lo, íi jámanngɛ olu mán. Íi o kɛ́ ni sébhaaya le, i kɛ́nan tó ke mɔɔn olu ɲán o a lo í la.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan