Bìoball air-loidhne

Filemɔn 1 - Mahou

Twaali o

¹ A fáanan Pɔli la, Ɛnza Ngílisi yɛ́ kásodhye ŋó, óni án mádhyemannjɛ Timote la, kɛ a dí Filemɔn mán, án máalakɛɲɔɔn o mín ŋán dí án ɲɛn,

² óni án mádhyemanmuso Apiya, óni Alishipu, án nyɛ́manbhaa o án ɲɛn kɛɛ o mán, óni lánanbhaa mínnuu í ladhyɛla í yɛ bhó ŋó kɔ́ɔnnɔn.

³ Ké án Nvá Ala óni Mantii Ɛnza Ngílisi yɛ́ nɛ́nmɛn óni láha o á kɛ́ á fɛ́.

Filemɔn yɛ dhyáaɲɔɔnya óni a yɛ lánanya o

⁴ Ní ngɛ́ kɛ́ í kó fɔ́la ɲɛ́n sɛ́ɛ o lɔ, ní bálika bhɔ́la Ala yɛ wáati bɛ́.

⁵ Kɛ mansɔɔ, í yɛ́ dhyáaɲɔɔnya óni í yɛ́ lánanya o Mantii Ɛnza nan, íi o mín ɲáala mɔɔn sɛ́nnɛnyanin ŋolu bɛ́ la, ní o kóman olu myɛ́nnan.

⁶ Ní ɲíinnan Ala fɛ, í kɛ́ o kée ne ni án ne lánanya o lɔ, ké o á kɛ́ kó nánfaman ne, Kílisi kósɔn. Ké fé ŋóo fé ngáɲin án man, ké íi olu lɔ cɛ́ɛne.

⁷ Mádhye ŋo, í yɛ́ dhyáaɲɔɔnya o wɛ́ɛ né nísɔdhyaa shɛ́ɛman ne óni kɛ faan dí mán, kɛ mansɔɔ mɔɔn sɛ́nnɛnyanin ŋolu yóso wɛ́ɛ swáanya í le kósɔn.

Filemɔn kákan kɛ Onezimu lɔmyaan ɲán mín man

⁸ O le kósɔn, háanin sé kɛ́ kɛ́ né yɛ kɛ faan la í ká Kílisi kósɔn, ké kó mín ngáɲin ké íi o kɛ,

⁹ wáa ní í dɛ́lila le, dhyáaɲɔɔnya o kósɔn, ne Pɔli, cɛkɔɔnin ŋó, míin Ɛnza Ngílisi yɛ kasodhye ne kwáalenin,

¹⁰ ní í dɛ́lila nyénjɛ Onezimu kósɔn, o mín ŋwɛ́ɛn kɛ né dhyé né kaso o la.

¹¹ A mán fóyi ɲán í mán kɔɔ, wáa kwáalenin, a yáa kó ɲán íle mán, óni a yáa kó ɲán né man.

¹² Ní a lákwɔsɛɛla í man, o mín ŋwɛ́ɛn kɛ né fasisoo o lɔ le.

¹³ Né tɛ́ɛ fɛ, ké aa tó né tɔ́ɔfɛ yánun, ké aa bháalakɛ né yɛ íle ɲɔ́ɔn le, kɛ né tó kaso o la, ní kaso mín nan sanmankanmɛɛ o kósɔn.

¹⁴ Wáa né mán sɔ́n kɛ fóyi kɛ, ní íle mán sɔ́n mín man, ké í kɛ́nan kóbhɛɛ lɔ kɛ, kɛ mansɔɔ né wɛ́ɛ fáan la í ka, wáa ké í yɛ kóbhɛɛ o á kɛ bhɔ́la í yɛ́ɛ lɔ.

¹⁵ O bhóo mán kɛdhyaa Onezimu wɛ́ɛ í cɛ́bhɔ í lá wáati dɔ́ɔnin né kɔ́ɔnnɔn, ké íi a sɔɔ kokwaakɛ kúdɛyi,

¹⁶ mín ndɛ́ yɔɲan bhóo o man bhée, wáa mín ŋan fisaa yɔ ne, í bhádhye mín ŋán dí í yɛ́ gbutuukɛ. Né fɛ ye, né bhádhye née le mín ŋán dí ɲɛ́n gbutuukɛ, waa íle bhádhye née le kɛ tinmin né ka, Adamandhyeɲan o lɔ, óni ni Mantii o le.

¹⁷ O bhóo o mán, ní án ngɛ kɛ́ kée ne, a lɔ́myaan óyoo í tɛ́ káa né lɔ́myaan ɲán mín man.

¹⁸ Ní a wɛɛ ló í la, wáman ní í yɛ́ fé nɔ yuu kɛ táa kɛ́ a la, o yuu o né lé la wé.

¹⁹ Né Pɔli, né gbú lée míin nzɛ́wɛ ngbú bhóo o la, kó né gbú yáa o bɛ́ yuu sala í yɛ́. Né tɛ́ fɛ kɛ fɔ í yɛ kó, ɲɛ́n yuu míin í lá, ílegbu lée o yuu o sáa o le.

²⁰ Ɔɔn, mádhye ŋo, ké íi o kɛ́ né yɛ́, Mantii o kósɔn; ɲóso o swáanya ni Kílisi le.

²¹ Ní míin nzɛ́wɛ í mán le, nó nánin ŋé a la, óo í yáa nɔmyɛn, nó ŋán a lɔ ŋóo ní mín nvɔ í yɛ́ í yáa lɔbhyaa o ka.

²² O kwɔ, silaa lɔ́ lɔ́bhyɛ né yɛ, kɛ mansɔɔ né yéesiinin ŋé, óo i yaa né lábhyaa, kɛ ndí á mán, á yɛ́ sɛ́ɛ olu bháaka lɔ.

Twaali lábha ŋolu

²³ Epafalasi é í twáala, o míin ngasodhyeɲɔɔn le Ɛnza Ngílisi kósɔn,

²⁴ óni Maki, Alisitaki, Demasi, óni Luka, né bháalakɛɲɔɔn olu.

²⁵ Ké Mantii Ɛnza Ngílisi yɛ nɛ́nmɛn o á kɛ́ á fɛ́!

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan