Luka 3 - Mahou

Yaya Bátizelikɛbhaa yɛ́ lakawani ó

¹ Lɔmu mansacɛ Tibɛli Sezali yɛ́ mansaya ó sa ndá ni lóoɲɔɔn ó, o wáati ó lɔ Pɔnsi Pilati lé tɛ́ɛ Zude mala ó kunnan, Elɔdi tɛ́ɛ Galile mala ó kunnan, a bhádhyemannjɛ Filipu tɛ́ɛ Itule ni Talakoniti mala ólu kunnan, óni Lizaniyasi tɛ́ɛ Abilɛni mala ó kunnan.

² O wáati kée ŋó lɔ, Anɛn ni Kayife tɛ́ɛ faanlɛɛɲansebhaa ólu kúnndiiba ó lé. O wáati ó lɔ, Ala é kóman Zakali dhyénjɛ Yaya yɛ́ kɛ́ tó dhyɛ́ ó kɔɔnnɔn.

³ O lɔ, Yaya Bátizelikɛbhaa é Zuludɛn bháji ó lafɛ só ólu bɛ́ yáala kɛ́ á láse mɔɔn olu man kó íi díminsa kɛ́ fala í yɛ́ kóyoo ŋólu la kɛ́ bátize ké í yɛ́ yúumu ólu a yafa i man.

⁴ Oo kɛ́ óyoo céla Ezayi tɛ́ wɛ́ɛ sɛ́wɛ a yɛ́ kitabu ó kɔɔnnɔn ɲán mín mán kó: Mɔɔn lɔ́ é gbáanan dhyɛ́ ó ka kó: Aa Mantii ó yɛ́ sháa ó lálaa, áa a tínminnaa ólu látee.

⁵ Jáan ólu bɛ́ yáa fá, tíi ólu ni tiininngbeya ŋólu bɛ́ yáa cé kɛ́ í látee. Tínminnaa lɔ́kuunin ŋólu yáa i látee, sháayoo ŋólu yáa i lálaa.

⁶ Ala é Adamandhye ŋólu kísi ɲán mín mán, bɛ́ yáa o yé.

⁷ Yaman ó tɛ́ɛ táala Yaya saala ké aa i bátize, waa a tɛ́ɛ a fɔ́la ólu yɛ́ kó: «Ale santutudhye ŋólu, yɛ́ɛtii é álee lasowi kó ale a bwée Ala yɛ́ kíti nantɔ ó ɲɛn.

⁸ Aa kóbhɛɛ ólu kɛ́, kɛ́ a yáa kó a wɛ́ɛ dímisa kɛ́ fala a yɛ́ kóyoo ŋólu lá. A kɛ́nan kɛ́ fɔ́la á yɛ́ɛ kɔɔnnɔn kó Ala yáa a kísi kɛ mansɔɔ Bulaaman é a fá lé. Ní fɔ́la a yɛ́ ngó Ala é sé kɛ́ káwaguun míin nú yɛ́ɛman kɛ ólu kɛ́ Bulaaman dhyé ŋólu lé.

⁹ Tɛ́ɛla ŋó lɔ́bhyɛnin ɲé kɛ bhá yíi óni a díin ŋólu tɛ́ɛ ó kánman. Yíi óo yíi tɛ́ dhyémɛɛ kɛ́la, ó bɛ́ yáa tɛ́ɛ kɛ a láfii tá ó lɔ́.»

¹⁰ Yaman ó tɛ́ɛ a mánɲaankɛla kó: «O sán lɔ, án ngákan kɛ́ mínnɛɛn le kɛ?»

¹¹ A tɛ́ɛ i yawila kó: «Ni deeke fyaa é mɔɔn mín móo, déeke tɛ́ mín móo, o a kée ndí ó tíi ó mán. Ni lɔ́minfe ŋé mɔɔn mín móo, o waa lɔ́taa ní kɔ́ɔntɔ ó lé.»

¹² Nísɔɔnmyaanbhaa lɔ́lu é táa Yaya saala kó aa i bátize. Ólu a mánɲaankɛ kó: «Kaamɔɔn, án née kákan kɛ́ mínnɛɛn le kɛ?»

¹³ Aa ólu yawi kó: «Wɛ́ɛ ó yaceya míin fɔ a yɛ́, aa o lé myáan, a kɛ́nan a lɔ́gbɛɛ myáan kɛ́ fala ó ka.»

¹⁴ Swaasi lɔ́lu ŋé a mánɲaankɛ kó: «Án née wɛ́, án née kákan kɛ́ mínnɛɛn lé kɛ?» Aa ólu yawi kó: «A kɛ́nan mɔɔn sí yɛ́ wɛ́ɛ myáan a lá fáan lá, a kɛ́nan mɔɔn sí tɔ́nɲɔɔn, a sáa o wáa a wasa.»

¹⁵ Mɔɔn ólu tɛ́ɛ Kísibhaa ó nánli ó mankɔɔnnan mínngɛ, i bɛ́ tɛ́ɛ i yɛ́ɛ manɲaankɛla kó kɛ́dhyaa Yaya lée Ala yɛ́ Kílisi lɔtɔnmɔnnin ŋó lé.

¹⁶ O lɔ, Yaya é fɔ i bɛ́ yɛ́ kó: «Née a bátizela ni jí lé le, waa mín ngáa nan né kwɔ, ó yɛ́ sébhaaya o waa bwó ni né tá ó lé. Kɛ́ a yɛ́ sawaa o yúu ó fwée, né kún ŋo wáa lɔ́ɔ ó mán. Ale yáa a bátize ní Ní Sɛnnɛnyanin ŋóni tá ó lé.

¹⁷ A yɛ́ zɛɛ óo a bhóo. A yáa a yɛ́ maan gbasinin ŋó lɔ́fyɛ kɛ́ a dhyé ŋó bhyáa a yɛ́ mɔɔnnin ŋó kɔɔnnɔn kɛ́ a ɲanman ó ɲɛɛn tá sábhɛɛ ó mán.»

¹⁸ Yaya tɛ́ɛ mɔɔn ólu lɔ́jala ó kóman ó ɲɔ́ɔn nzhɛ́ɛman né la. A tɛ́ɛ sanmankanmɛɛ ó fɔ́la mɔɔn ólu yɛ o ɲán ó lé mán.

¹⁹ Waa Yaya tɛ́ wɛ́ɛ Galile mala ó kunndii Elɔdi kɔ́ɔ fɔ́, kɛ mansɔɔ a tɛ́ wɛ́ɛ a bhádhyemannjɛ ó muso Elodiyadi bwási a lá kɛ́ o kɛ́ a gbú tá lé. A tɛ́ɛ kóyoo ngbɛ́ɛlu kɛ́la o yɛ́ɛ kwɔ.

²⁰ A mán lángɛ olu mán, aa Yaya gbú myaan kɛ́ a bhyáa kaso lá.

Ɛnza bátizeko ó

²¹ Yaya é mɔɔn ólu bɛ́ bátize, kɛ Ɛnza bátize. Kɛ Ɛnza ndó Ala dɛ́li ó la, sángboo óo i lálaka,

²² Ní Sɛnnɛnyanin ŋó i yíi óo fasisoo kɛ kɛ́ óyoo biinin ngɛ kɛ́ í yíi a ka. Kómankan nɔ́ é bhɔ́ sángboo ó lɔ kó: «Ile lée né dhyáaɲɛn dhyé ŋó lé, i kó a dí né yɛ́.»

Ɛnza búluyi ó

²³ Ɛnza ŋé a yɛ́ bháala ó lámyaan wáati mínnɔn, a sí ó tɛ́ɛ sa bísawa sí bhɔ́la. Mɔɔn ólu tɛ́ɛ i milila kó Ɛnza ŋé Yusufu dhyé né lé Yusufu é Eli dhyé né lé.

²⁴ Eli é Matati dhyé né lé, Matati é Levi dhyé né lé, Levi é Mɛliki dhyé né lé, Mɛliki é Zannayi dhyé né lé, Zannayi é Yusufu dhyé né lé.

²⁵ Yusufu é Matatiyaasi dhyé né lé, Matatiyaasi é Amɔsi dhyé né lé, Amɔsi é Naumu dhyé né lé, Naumu é Esili dhyé né lé, Esili é Nagayi dhyé né lé.

²⁶ Nagayi é Maati dhyé né le, Maati é Matatiyaasi dhyé né le, Matatiyaasi é Semeyi dhyé né le, Semeyi é Yozɛki dhyé né le, Yozɛki é Yooda dhyé né le.

²⁷ Yooda é Yowanan dhyé né le, Yowanan é Leza dhyé né le, Leza é Zolobabɛli dhyé né le, Zolobabɛli é Sheyatɛli dhyé né le, Sheyatɛli é Neli dhyé né le.

²⁸ Neli é Mɛliki dhyé né le, Mɛliki é Adi dhyé né le, Adi é Kosamu dhyé né lé, Kosamu é Ɛlimadan dhyé né le, Ɛlimadan é Ɛli dhyé né le.

²⁹ Ɛli é Jozɛsi dhyé né le, Jozɛsi é Eliyezɛli dhyé né le, Eliyezɛli é Jolimu dhyé né le, Jolimu é Matati dhyé né le, Matati é Levi dhyé né le.

³⁰ Levi é Simeɔn dhyé né le, Simeɔn é Juda dhyé né le, Zuda é Yusufu dhyé né le, Yusufu é Jonamu dhyé né le, Jonamu é Eliyakimu dhyé né le.

³¹ Eliyakimu é Meleya dhyé né le, Meleya é Mɛnna dhyé né le, Mɛnna é Matata dhyé né le, Matata é Natan dhyé né le, Natan é Laula dhyénjɛ lé le.

³² Laula é Yese dhyé né le, Yese é Obɛdi dhyé né le, Obɛdi é Boozi dhyé né le, Boozi é Sala dhyé né le, Sala é Naasɔn dhyé né le.

³³ Naasɔn é Aminadabu dhyé né le, Aminadabu é Adimɛn dhyé né le, Adimɛn é Alini dhyé né le, Alini é Ɛsilɔn dhyé né le, Ɛsilɔn é Pelɛsi dhyé né le, Pelɛsi é Zuda dhyé né le.

³⁴ Zuda é Yangubha dhyé né le, Yangubha é Shaaka dhyé né le, Shaaka é Bulaaman dhyé né le, Bulaaman é Tela dhyé né lé, Tela é Nakɔli dhyé né le.

³⁵ Nakɔli é Selugi dhyé né le, Selugi é Leu dhyé né le, Leu é Pelɛki dhyé né le, Pelɛki é Ebɛli dhyé né lé, Ebɛli é Shela dhyé né le.

³⁶ Shela é Kenan dhyé né le, Kenan é Alipasadi dhyé né le, Alipasadi é Sɛmu dhyé né le, Sɛmu é Nuwo dhyé né le, Nuwo é Lemɛki dhyé né lé.

³⁷ Lemɛki é Matusalɛmu dhyé né le, Matusalɛmu é Enɔki dhyé né le, Enɔki é Yelɛdi dhyé né le, Yelɛdi é Malaleyɛli dhyé né le, Malaleyɛli é Kenan dhyé né le.

³⁸ Kenan é Enɔsi dhyé né le, Enɔsi é Sɛti dhyé né le, Sɛti é Adaman dhyé né le, Adaman é Ala dhyé né le.