Bìoball air-loidhne

1 Timote 4 - Mahou

Kaamɔɔn fwɔ́ɲanfɔ olu

¹ Ní Sɛ́nnɛnyanin ŋóo fɔ kɛ lágbɛ ko: Dinɲan labha ŋwáati o kɛ́ sé, mɔɔn lɔ́lu táa lá Ɛnza nan bhée, ní mínnuu mɔɔn láfiila, olu káa lá o léelu la, óni lámansa olu yɛ káa ŋolu la,

² fwɔ́nɲan fɔ́ olu yɛ fyaangafoya o kósɔn. O fwɔ́nɲan fɔ olu yóso o wɛ́ɛ ɲɛɛn, óyoo i wɛ́ɛ nɛ́ɛn gbɛ́ɛn bɛ́ɛ i yoso la; i tɛ kóyoo ŋóni kóbhɛɛ o bhɔ́nga ngɛla bhée.

³ O mɔɔn olu fɔla ko mɔɔn olu manngan kɛ fúu kɛ, ko lɔ́minfe nɔlu yé mɔɔn manngan kɛ o lɔɔ, wáa Ala é o lɔ́minfe ŋolu la le, ké lánanbhaa mínnu a tínɲan o lɔ olu á o lɔɔ, kɛ bálika bhɔ Ala yɛ.

⁴ Tínɲan in ne, Ala yɛ láninfe ŋó bɛ́ káɲin. Ní án ngɛ Ala kóɲwaan lɔ, án mánngan kɛ án mba fé ŋo si lɔ.

⁵ Kɛ mansɔɔ, fé ŋo bɛ́ɛ sɛ́nnɛnyala Ala saaninkan ŋo ní sɛ́ɛ o le kósɔn.

Ala án mbɛ bwásibhaa o

⁶ Ní í kɛ́ í bhádhye ŋólu kala kóman míinnu la, í yáa kɛ Ɛnza Ngílisi yɛ bháalakɛdhyemɛɛ lú le, bháalakɛdhye míin mwɔnla ni lánanya kóman óni káamɛɛbhɛɛ lu le, íi táamankɛla mínnu ka wáati bɛ́.

⁷ Wáa kóman mínnu tɛ́ dínnan o lɔ óni kóman kɔ́ɔkɔɔ kúnnda ŋolu, í bá olu man. Í yɛ́ɛ lalee kɛ dínɲanlɔtɛɛ o kɛ óyoo aa dí Ala yɛ ɲán mín man.

⁸ Kɛ mansɔɔ, fasisoo lalee ŋo kó gbɛ́ɛ ŋolu la, o kúu man gbɛ́ɛ kó o bɛ́ le, wáa kɛ dínɲanlɔtɛɛ o kɛ óyoo aa dí Ala yɛ ɲán mín man, o lé kúu a gbɛ́ɛ kó o bɛ́ le. Ɲáanmanɲan o dí o án man kwáalenin óni kwɔ́la, o láheli o a le le bhóo.

⁹ O kóman oo tínɲan le le, án ngákan kɛ sɔ́n o man gbúnin gbú kɛ.

¹⁰ Án ni gbɛ́ya o lala án ɲɛɛ ka, kɛ sɛɛ o myaan án nɔn, kɛ bháala míin ngɛ, kɛ mansɔɔ án ŋwɛ́ɛn án ɲéela Ala ɲáanman ŋo le lɔ, o mín ŋé mɔɔn olu bɛ́ Kísibhaa o le, wáa lánanbhaa olu i bɛ ɲɛn.

¹¹ Í kákan né kɛ o le fɔ mɔɔn olu yɛ kɛ a mangbɛya, óni kɛ i kala o la.

Lánanbhaa o kákan kɛ kɛ tɛ́nmɛn

¹² Mɔɔn sí kɛ́nan í lɔ́ɔya í yɛ dhyémɛnsɛnɲan o kósɔn, wáa í lɔ́ja ké lánanbhaa olu á táamankɛ í lé síya le, í kómanseɲan olu lɔ, í kɛseɲan olu lɔ, í yɛ́ dhyáaɲɔɔnya o lɔ, í yɛ́ lánanya óni í yɛ́ sɛ́nnɛnya o lɔ.

¹³ Sánnin né á sé yénɔn, í lɔ́ja kɛ sɛ́wɛ sɛ́nnɛnyanin ŋo fɔ́ mɔɔn olu yɛ, kɛ i faan ló, óni kɛ i kala o la.

¹⁴ Ala é sé mín di í mán a yɛ nɛ́nmɛn o lɔ í kɛ́nan jɔ o man, óo dí í mán kɛ kéeɲan ni célaya kóman lɔ lé le, cɛba ólu i bhóo olu la í ká kɛ lwau bhyaa í fɛ́.

¹⁵ O ladhyelikan ŋolu bɛ́ á tó í yóso o lɔ, í lɔ́ja olu mán, o bhóo ó mán, mɔɔn ólu bɛ́ yáa a yé óo íi táa ɲɛn.

¹⁶ Í yáakii tó í yɛ́ɛ lɔ, óni í yɛ́ káa ŋolu lɔ, í lɔ́janin ŋán kɛ́ o mán, kɛ mánsɔɔ ní í kɛ́ a kɛ cé, í yáa í yɛ́ɛ kísi óni mɔɔn óo mɔɔn é í lɔ́myɛnnan í yáa olu kísi.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan