Sip. 4 - BUKO SIPUNENAN

¹ Itcokungan minca senengamata paoreiat sipuaaili ka tei matatsulu, samba itco pei, elutda sirimanua situoorei samba taanai sipusuibi, kalulut rubeiat sangamberi sipaoorei ai sibara gege.

² Kalulut nenda kuaddeake le sirimanua simamatei, simamatei siburu, masanang peile sia bele peile sirimanua sipuririmanua, sipuririmahua peile kineiget.

³ Tapoi bulat simaukktuk ka ruania nenda kuaddeake le sirimanua sitaibabara peile, sitapei amasiitco galajet sikatai, sipuaaili ka tei matatsulu.

⁴ Samba itcokungan senengamata besit tubu samba senengamata puaagai kabagat galajet iate si'sit baga ka sabagei. Nene leu siboboi samba galajet masijarik rusa.

⁵ Sirimanua sitaiagai patuat masilekku kabeinia samba masikom akkulania.

⁶ Sangatakep pusanangan bulat maeru bele peile ruangatakep besit tubu samba galajet masijarik rusa.

Pusiboboiat kabagat purimanuaiat

⁷ Itcokungan minca pusisiboboiat ka tei matatsulu:

⁸ ai sirimanua sipusasara, taanai tatogania taimanteu ele sarainania taimanteu, samba ta muaari isaggoiji tubunia, matania leu ta sesege ka pukaioat; – kasei uktuk kusasaggoiji tubukku samba kukera pusanangan? – Nene leu siboboi samba pubesikat tubuM.

⁹ Murua peile maeru ka pusasara, kalulut rasilo le upa simaeru kabagat besit tubutda.

¹⁰ Kalulut ke bele sia, sisara masiakkatake aleinia, tapoi sirimanua sibebele, taanai saalei sipasiakkatakenia!

¹¹ Kisedda leu ke parua merep, maoloinangan tubutda, tapoi ke sarania le kipa imaoloi tubunia?

¹² Samba ke moi tukalaake sara sirimanua, momoi ramatom rua sirimanua. Appra telu ngababa ta malabbei tutakkiake.

¹³ Maeru peile sibau tubu sumageba tapoi masiku patuat bele peile sara rimata simabaja tapoi sitaiagai patuat, sitaioba tukau minca panganturat.

¹⁴ Kalulut barania ka tangsi le ibela sibau tubu nenda ibailiunia rimata, kenanen tutuake matania kapugebakat kateteret puparentaat sirimanua simabaja nenda.

¹⁵ Itcokungan sangamberi sirimanua sipuririmanua ka tei matatsulu muenung simakere pasamba sirimanua sibau tubu nenda, sipasisailiake geti rimata nenda.

¹⁶ Ta sasappru siberikabaga uteakenennia, tapoi sirimanua siooi geti ta raobania. Kalulut nenda, nene leu siboboi samba galajet masijarik rusa.

Kau tumaloto ka Taikamanua

¹⁷ Jago bakkounu, ke muenung ekeu ka uman Taikamanua! Palgre bule tupasiarep iate maeru peile ka pasipangunguruatake buluakenen sigalaiakenenda sangamberi sirimanua sitaiagai patuat, kalulut ta raagai, ai sia masigagalaiake sikatai.