Sip. 10 - BUKO SIPUNENAN

Sipuaaili ka taiagai patuat

¹ Legu simamatei sibaraake gulei ka sipasigagalai gulei simabutek; kisedda leu goiso taiagai patuat maron peilenia ka sikut patuat samba paabeu.

² Patuat sirimanua simasiku patuat siailiake kai kattoet, tapoi patuat sirimanua sitaiagai patuat masiailiake kai katciu.

³ Samba leu ke muenungnia ka poloura sitaiagai patuat nenda ta malauru patuatnia, samba kuanangan ka senen sirimanua: “Sirimanua nenda taiagai!”

⁴ Ke iorak ekeu golut sibara gege, bui' nukaddiuake kudduatnu, kalulut puoombaga masikeraake sangamberi puselat sabeu.

⁵ Ai sara pukakatai siitcoku ka tei matatsulu sibailiu puseleat sibara ka sara sirimanua sibara gege:

⁶ ka simigi kudduat simabuak, tukudduake sirimanua sitaigai patuat, oto kudduat simaepe rakudduiji sirimanua simakaio.

⁷ Itcokungan sapagugulet sipukukuro samba siabeu tiboi tubu muenung kele sapagugulet.

⁸ Kasei masigaigai lobok bele le nia geti kabagania, samba kasei masiragatake irip bukku pilanangan leu nia ulou.

⁹ Kasei siragatake bukku oraknangan leu nia; kasei masisila' loina maujunangannia.

¹⁰ Ke ta malauru laba' samba ta turuggui, oto buita ironake tubunia sirimanua, tapoi bulat siabeu bule tumaukutk iate sikut patuat.

¹¹ Ke' papila ulou ta'pei atubasaake jampi, iageti siagai mujampi taananai paluluatnia.

¹² Tiboietda simasiku paatuat maalabagata, tapoi sitaiagai paatuat metei le kalulut tiboietnia.

¹³ Bakkat titiboat sibebela ka ngungunia iate putaiaagai, samba kalepakat titiboatnia iate patajuat pukakatai.

¹⁴ Sirimanua sitaiagai paatuat maigi titiboatnia, kenanen bai taraagai sirimanua aponia geti sipuaaili, samba kasei sipasikukua katubunia aponia geti muaaili lepania?

¹⁵ Besit tubut sirimanua sitaiagaipaatuat masisaggoake tubunia, kalulut ta'iagai enungan ka laggai.

¹⁶ Ale ekeu polak, ke' rimatam sara sibau tubu, samba sangamberi sautemui mamancep peile amukom'an!

¹⁷ Maungtuk te ekau polak, ke' rimatam sara sibara ka siabeu tiboi tubu, samba sangamberi sautemui mukom kasitetereakenen kabagaat puaabeu samba ta' karorot tubu!

¹⁸ Kalulut gela bele' tobat lalep, kalulut ore' mugalai mu'mu' lalep.

¹⁹ Punen masibaraake ga'ga', samba anggur masibaraake puangkakat baga. Tapoi bui tabara bulagat masiluluinia.

²⁰ Kabagat paatuat leu buian nupateleiji rimata, samba kabagat pereman buian nupateleiji simakayo, kalulut uma' kateimanua masisegeake geti tiboietnu, samba sangamberi sibara kappo momoi isegeake aponia sitiboinu.