Pangt. 18 - BUKO SIPUNENAN

¹ Sirimanua sisaraake tubuna ka sirimanua sabagei iate sirimanua situtake pinaatunia sarania, ta ioba masisilo pinaatuatda sabagei.

² Sirimanua simakela patuat, ta ioba puagaijat, sarat masibelaake sikuddu ka patuatnia le igagalai.

³ Jo samba paloloiat makere le ipuenung, samba katai paaleinia ka paasakat.

⁴ Tiboiet sirimanua momoi ibailiunia bakkat pusisikut patuat makeru kele koat simalio, maeru kele oinan sipuguguruk.

⁵ Ta maeru tumarere' ka sirimanua sikatai samba tupaoreiji sirimanua sita sele.

⁶ Ke manibo sirimanua sitaiagai patutat, sibaraake pajoggolat samba masitiddou itubobo' le.

⁷ Sirimanua simakela patuat isubuake le nia titiboatnia, iorak le nia putitiboanannia.

⁸ Titiboatda sirimanua sioba masipakatai sirimanua mananam ituguru' ka bagat patuat.

⁹ Sirimanua sitaimamala masigalaiake galajetnia, makere le katainia sirimamanua sioba masipakatai.

¹⁰ Tuhan iate sipasijago simaron, sedda te raei sirimanua simatopit samba resesese kudduat simasanang.

¹¹ Sirimanua simakayo pukayoatnia le ijagonia, kele irip bukku simabuak samba simaron ka sangaliot laggai.

¹² Buak patuat muboiki le nia ka katukataikat, tapoi sirimanua simaepe patuat tuabeuake le.

¹³ Masikau alegiat ke ta'pei atuarep iate sirimanua sitaiagai patuat samba simasele.

¹⁴ Sirimanua simaron patuat momoi ipasikeli tubunia ka bagat pangoringannia, tapoi kasei masiparoron tetet patuat?

¹⁵ Sirimanua sibara patuat maonggounia ka puagaijat, samba talinganda sirimanua simasiku patuat masigaba puagaijat.

¹⁶ Panguruat iate sibukaake enungan samba siabbit sirimanua ka siabeu tiboi tubu.

¹⁷ Sipanibo siboiki ka bagat pakaroat mareirei kele sineseat, tapoi oi saggaknia masisibo sesesena sikuania.

¹⁸ Pauktungan iate silepaake pajoggolat, samba silepaake sitaipasesese katalagatda siabeu tiboi tubu.

¹⁹ Sasaraina sipajonia, bulat mabesi' itulegeri bele peile ka laggai simaron, samba pajoggolat iate kele lilikkrut matatbaliu laggai sibara irip bukku.

²⁰ Ka titiboat sikuania, ai bulat siloketnia.

²¹ Murimanua ele matei ai ka bagat kupkumen jalai, kasei sioba sipakakrania, silonangan leu buania.

²² Kasei sibara sikalalep, isilo le puuktungan, sikalalep iate panguruat sibara katubut Tuhan.

²³ Simageba masitiddou ka enungan simamoile, tapoi sirimanua simakayo masialegi ka bagat golu.

²⁴ Ai saalei sibaraake gejat baga, tapoi ai leuet sasuruak bulat simalegre bele peile sasaraina.