Pangt. 16 - BUKO SIPUNENAN

¹ Sirimanua momoi ipaatu galaiakenennia, tapoi si Tuhan le masiteteuake.

² Sangamberi enungan sirimanua maeru kele sipinatunia sarania, tapoi si Tuhan maiitco patuat.

³ Segeake le katubut Tuhan sangamberi siisiakenennu, iageti mariuriunangan sangamberi siisiakenennu.

⁴ Sangamberi sigalai Tuhan ai lulunia, samba ailiakenenda sirimanua sikatai iate kamateiat.

⁵ Sangamberi sirimanua simabuak patuat malaga bagaNia si Tuhan, bulatnia, ta bebelania kabagat ukuman.

⁶ Sirimanua simariuriu topit ka Taikamanua isilo le katuappekat, kalulut loto katubut Tuhan iate siareuake sirimanua ka sikatai.

⁷ Ke ioba bagaNia si Tuhan ka enungan purimanuiat sara sirimanua, bailiuakenangan leu saggaknia nenda aleinia.

⁸ Maeru peile ta maigi uktuk tapoi sialei putopinan, ka uktuk simigi tapoi ta anai puroipoat.

⁹ Sirimanua masipaatu enungannia, tapoi si Tuhan le masiteuake enungan purimanuaiatnia.

¹⁰ Rimata masisilo gege sibara ka Taikamanua, oto, ta maselenia ka bagat siteuakenennia.

¹¹ Pasikilo samba kirekat sipasesese iate Tuhan sibakkatnia, sangamberi bukku pasikilo ka bagat suppit iate sigalaiNia.

¹² Masigalaiake patajuat iate keikeijet ka rimata, imaroron poi purimataatnia kalulut puroipoat le.

¹³ Titiboat simaroipo ioba bagat rimata, samba manuntu bagania ka sirimanua siputitiboat somaroipo.

¹⁴ Golut rimata iate kele kamateiat, tapoi sirimanua simasiku patuat masileppetake golu.

¹⁵ Erut bagat rimata iate sibaraake purimanuaiat simaeru, kele tinobut siake urat ka legeu.

¹⁶ Bulat maeru peile tusese sikut patuat bele pei tusese mas, samba masise puagaijat bele peile tusese perak.

¹⁷ Sirimanua simatopit raareuake tubutda ka sikatai, sirimanua sijago simakolou enungan puririmanuania, ijago le engania.

¹⁸ Pubuangan patuat iate sibarake katusubuat, kelat patuat iate sibaraake katukataikat.

¹⁹ Maeru peile epet patuat samba taanai pukaioat, ka pasisitut sirimanua simabuak patuat samba masinanam pukaioat sirauraura.

²⁰ Kasei masisilo nganturat iate masisisilo simaeru, samba mauktuk te sia simatonem baga katubut Tuhan.

²¹ Sirimanua simasiku patuat tukua le sia sirimanua simaagai, samba putitiboatda simaeru, sibaliuake tukatonemi sikuania.

²² Sikut patuat iate bakkat purimanuaiatda sirimanua simeru paraboat, tapoi sirimanua sitaiagai patuat ipaoreiji le nia taiagaina patuat.

²³ Patuatda simeru paraboat iate sibailiuake tiboietnia simaeru, samba sibaliuake tukatonemi sikuania.

²⁴ Tiboiet simamoile iate kele suat mani, mananam ka patuat samba siarauake tubu.

²⁵ Ai enungan kele simaroipo, tapoi kalepakatnia iate siailiake kamateiat.

²⁶ Kiddit baga pukokom masitubbui sirimanua mugalai, kalulut balugunia, besiakenangan mugalai.

²⁷ Sirimanua sikatai masibesiake masimateiake saaleinia, samba titiboatnia sikatai kele obengan sipajujuluu.

²⁸ Sirimanua simapatujuet sibaraake pajoggolat, samba sioba paloloi masipasaraake sasuruak.

²⁹ Sirimanua sigalaiake sikatai iate sipepeake saaleinia, samba masiabbitnia ka enungan sikatai.

³⁰ Kasei masipeipeiake matania, iate siisiake patajuat, kasei sipetpetake ngungunia, aigalaiakean sikatai.

³¹ Sirimanua simatopit tupanguruani le nia puririmanua simaburu, ubatnia kele pulatcanan yang simalainge.

³² Sirimanua simaom baga bele peile saladdu simagege, sirimanua sioi masijago tubu, bele peile sirimanua sikalaake laggai sabeu.

³³ Ituagai enungan puririmanua, sirimanua masigalaiake pauktuk, tapoi masiteuake alegiatnia iate sarat Tuhan le.