Pangt. 14 - BUKO SIPUNENAN

¹ Sinanalep simasiku patuat igalai le lalepnia, tapoi sitaiagai patuat geti ipakatai le lalepnia.

² Sirimanua simatopit, masuru samba malotonia katubut Tuhan tapoi sirimanua sitaimaroipo puririmanua, ipaloloi le si Tuhan.

³ Kabagat ngungunda sirimanua sitaiagai patuat ai sasa kateiteinia, tapoi simasiku patuat ijago le nia titiboatnia.

⁴ Ke taanai jaui, taanai leu et gandum, tapoi kalulut ronnia jaui, pusukkranangan buat mone.

⁵ Sipasimuneng simatopit ta pabobokonia, tapoi kasei masipakakra pabokoat, iate simunengake boko.

⁶ Simaasa baga masigaba sikut patuat, tapoi siboboi, tapoi ka sirimanua siagai kolou, malabbei isese puaagai.

⁷ Areuake tubum ka simakela patuat, kalulut puaagai ta nusesese katubunia.

⁸ Againa enungannia iate sikut patuat sirimanua simaagai, tapoi simakela patuat ipataju le nia taiagaina patuat.

⁹ Sirimanua sitaiagai patuat iasa le buluakenen panebui, tapoi sirimanua simatopit makere rapatoila pueeru.

¹⁰ Patuat iagai reureu bagania, samba sirimanua sabagei ta raagai angkat bagania.

¹¹ Lalepda sirimanua sikatai masubu le geti, tapoi sapoura sirimanua simatopit maroron le.

¹² Ai enungan kele simaroipo, tapoi kalepakatnia iate siailiake kamateiat.

¹³ Ka bagat pugagaga leu momoi imareureu baga, samba kalepakat angkat baga momoi ibara gejat baga.

¹⁴ Sirimanua sikatai isisilo le geti buat sigalainia sikatai, samba sirimanua simatopit isilo leu bua simaeru sigalainia.

¹⁵ Sirimanua sitaiagai patuat matonem bagania ka senen tiboiet, tapoi sirimanua simasiku patuat ipasikeli le bakkou rerenia.

¹⁶ Sirimanua simasiku patuat mariuriu le ijago tubunia samba iareuake tubunia ka sikatai, tapoi sirimanua sitaiagai patuat maruei ipugolu, lepa masanangnangan.

¹⁷ Sirimanua simaruei mugolu, igalaiake le sitagalai, sirimanua simasiku patuat maom bagania.

¹⁸ Sirimanua sitaanai siagai ibailiunia le nia sitaiagai patuat, tapoi sirimanua simasiku patuat ituppai le puagaijatnia.

¹⁹ Sirimanua sikatai murekkuk le sia katubutda sirimanua simaroipo patuat, ratiddou bule tupununtuki sia baga.

²⁰ Sirimanua simageba ta raobania saaleinia, tapoi simakayo geti maigi saaleinia.

²¹ Kasei masipaloloi sabagei, jo le aigalai, kasei sipununtuki baga simageba, mauktuk le nia.

²² Kasei siisiake sikatai ai le nia ka enungan pupepeat, tapoi kasei siisiake simaeru, isese le katet baga.

²³ Ka bagat pugagalai simaron ai puuktungan, tapoi patiboat sitapaluluat iate sibaraake pugebakat.

²⁴ Raabeuake le simasiku patuat kalulut puaagainia, sirimanua sitaiagai patuat raagai le nia sirimanua kalulut taiagaina patuat.

²⁵ Ke sara sipasumuneng masikua sineseat, nia masiarauake purimanuaiat, tapoi ke pabokonia, masipajo saaleinia le aigalai.

²⁶ Ka bagat loto katubut Tuhan ai pusanangan sabeu, samba tatogania ai sia ka bagat pasikeliat.

²⁷ Loto katubut Tuhan iate bakkat purimanuaiat, samba enungan tutuareu ka kamateiat.

²⁸ Puaabeunia rimata ai kabagat igit rakyatnia, tapoi ke tanai rakyat ta momoi ipuute.

²⁹ Sirimanua simasiku patuat ta maruei ipugolu, tapoi sirimanua sitaiagai patuat tamomoi ipaom golunia.

³⁰ Patuat simasanang iate siarauake tubu, tapoi sisit baga iate kele besi' sibaraake kamateiat.

³¹ Kasei sigalai simaeru ka simageba, iabeuake le Taikamanuania, tapoi kasei masipaorei sitaioi tubu, masipaloloi Taikamanua le aigalai.

³² Sirimanua sikatai masubu kalulut pukakatai, tapoi sirimanua simatopit tujago kalulut topitnia.

³³ Sikut patuat mariuriu le kapatuatda sirimanua simeru paraboat, tapoi ta iagai patuatda simakela patuat.

³⁴ Puroipoat samba pubulanan masiabeu sara bangsa, tapoi jo iate sibaraake paloloiat ka sara bangsa.

³⁵ Rimata ioba ka sara pagugulet simeru paraboat, tapoi golunia iorak sirimanua sigalai puailaat.