Neh. 7 - BUKO SIPUNENAN

¹ Kapplu ailepa itupaeru irip laggai nenda, koiniakekungan bule raottotnake matatbaliu. Lepa sipasijajago matatbaliu gugurukat, sia sipuurai samba tai Lewi koiniakekungan sia ragalai galaiakenenda senenda.

² Pamarentaat laggai Jerusalem kukau le ka tubut sarainangku kai Hanani samba Hananya, Utera' saladdu sipasijajago irip, kalulut nia momoi tukatonemi samba maloto nia ka Taikamanua bele pei sabagei.

³ Kuakungan kamatadra, “Matatbaliu gugurukat Jerusalem momoi itubuka ke'amata'goan samba bui' ta' tupatpatnake samba tulekreake kepei ralepaake galajetdra mujago kasoibokat. Samba bui' ta tusau'sau' sipujajago ka talagatda sipugagalai ka Jerusalem, sangarubeiat mujago ka pujagoat samba sangarubeiat bagei masigejengi matat lalepdra.

Sitotoili sibara ka kudduat katuribbaiat

⁴ Jerusalem laggai simalio, tapoi goiso le sipasilalaggaiji, samba ta'pei maigi amurio lalep.

⁵ Aipoi nenda aiakean Taikamanua kaku enungan bule kururuake taikaumangku samba saute pasamba sikebbukatnia bule ioi kuadde sia siripokat paninikatdra. Lepa ka oggak nenda sesekkungan surat oninda sitotoili siboiki sibara ka kudduat katuribbaiat. Ka bagat surat oni nenda atusuratnake:

⁶ Maigi ka talagatda siribbaiakenen amasikaddiuake kupkumen laggai Babel samba toili ka Jerusalem samba Jehuda, ka laggaira senesenenda. Amaburuan arapurimanua ka kudduat katuribbaiatda ka Babilonia, baranangan peile arambit sia sedda sibailiu tangsiakenen rimata Nebukadnezar.

⁷ Saute'ra iate Zerubabel, Jesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum samba Baana. Nene te katusuranan muntogat Israel, samba tadde'ra sirimanua ka senen muntogat sitotoili sibara ka kudduat katuribbaiat:

⁸ Muntogat Paros: ruan ribu sangotu pitu pulu rua sia;

⁹ Muntogat Sefaca: telungotu pitu pulu rua sia;

¹⁰ Muntogat Arakh: enemngotu lima pulu rua sia;

¹¹ Muntogat Pahat-Moab, iate muntogat Jesua samba Joab: rua ribu balungotu pulu balu sia;

¹² Muntogat Elam: rua ribu ruangotu lima pulu epat sia;

¹³ Muntogat Zatu: balungotu epet pulu lima sia;

¹⁴ Muntogat Zakai: pitungotu enem pulu sia;

¹⁵ Muntogat Binui: enemngotu epet pulu balu sia;

¹⁶ Muntogat Bebai: enemngotu rua pulu balu sia;

¹⁷ Muntogat Azgad: rua ribu telungotu rua pulu rua sia

¹⁸ Muntogat Adonikam: enemngotu enem pulu pitu sia;

¹⁹ Muntogat Bigwai: rua ribu enem pulu pitu sia;

²⁰ Muntogat Adin: enemngotu lima pulu lima sia;

²¹ Muntogat Ater, iate muntogat Hizkia: siba pulu balu sia;

²² Muntogat Hasum: telungotu rua pulu balu sia;

²³ Muntogat Bezai: telungotu rua pulu epat sia;

²⁴ Muntogat Harif: sangotu pulu rua sia;

²⁵ Muntogat Gibeon: siba pulu lima sia;

²⁶ tai Betlehem samba Netofa: sangotu balu pulu balu sia;

²⁷ tai Anatot: sangotu rua pulu balu sia

²⁸ tai Bet-Asmawet: epat pulu rua sia;

²⁹ tai Kiyat-Jearim, Kefira samba Beerot: pitungotu epat pulu telu sia;

³⁰ tai Rama samba Gaba: enemngotu rua pulu sara sia;

³¹ tai Mikhmas: sangotu rua pulu rua sia;

³² tai Betel samba Ai: sangotu rua pulu telu sia;

³³ tai Nebo bagei: lima pulu rua sia:

³⁴ tai Elam bagei: sangaribu ruangotu lima pulu epat sia;

³⁵ tai Harim: telungotu rua pulu sia;

³⁶ tai Jerikho: telungotu epat pulu lima sia;

³⁷ tai Lod, Hadid samba Ono: pitungotu rua pulu sara sia;

³⁸ tai Senaa: telu ribu sibangotu telu pulu sia.

³⁹ Nene te tai Imam: Muntogat Jedaya, iate samuntogat Jesua: sibangotu pitu pulu telu sia;

⁴⁰ muntogat Imer: sangaribu lima pulu rua sia;

⁴¹ Muntogat Pasyhur: sangaribu ruangotu epat pulu pitu sia;

⁴² Muntogat Harim: sangaribu pulu pitu sia.

⁴³ Nene te tai Lewi: muntogat Jesua, iate muntogat Kadmiel samba muntogat Hodewa: pitu pulu epat sia.

⁴⁴ Nene te sia sipurai: muntogat Asaf: sangotu epat pulu balu sia.

⁴⁵ Nene te sia sipasijajago matatbaliu gugurukat: muntogat Salum, muntogat Ater, muntogat Talmon, muntogat Akub, muntogat Hatita samba muntogat Sobaia: sangotu telu pulu balu sia.

⁴⁶ Nene te' sia sapakoinien ka uman Taikamanua: muntogat Ziha, muntogat Hasufa, muntogat Tabaot;

⁴⁷ muntogat Keros, Sia, Padon,

⁴⁸ muntogat Lebana, muntogat Hagaba, muntogat Salmai,

⁴⁹ muntogat Hanan, muntogat Gidal, muntogat Gahar,

⁵⁰ muntogat Reaya, muntogat Rezin, muntogat Nekoda,

⁵¹ muntogat Gazam, muntogat Uza, muntogat Paseah,

⁵² muntogat Besai, muntogat Meunim, muntogat Nefusim,

⁵³ muntogat Bakbuk, muntogat Hakufa, muntogat Harhur,

⁵⁴ muntogat Bazlit, muntogat Mehida, muntogat Harsa,

⁵⁵ muntogat Barkos, muntogat Sisera, muntogat Temah,

⁵⁶ muntogat Neziah samba muntogat Hatifa.

⁵⁷ Nene te' muntogatda sapagugulet Salomo: muntogat Sotai, muntogat Sofere, muntogat Perida,

⁵⁸ muntogat Jaala, muntogat Darkon, muntogat Gidal,

⁵⁹ muntogat Sefaca, muntogat Hatil, muntogat Pokheret-Hazebaim, muntogat Amon.

⁶⁰ Sangamberi paninikat sipugagalai ka Uman Tuhan samba sapagugulet Salomo sitotoili ka pasiribbaiat igitda telungotu siba pulu rua sia.

⁶¹ Nene te' sia sitotoili sibara ka laggai Tel-Melah, Tel-Harsa, Kerub, Adon samba Imer, tapoi ta'momoi rapatoila samuntogatda samba kabaraiatda sibara ka bangsa Israel:

⁶² muntogat Delaya, muntogat Tobia, muntogat Nekoda: enemngotu epat pulu rua sia;

⁶³ samba sibara ka talagatda tai Imam: muntogat Habaya, muntogat Hakos samba muntogat Barzilai. Barzilai mutalimou ka taiokko muntogat Barzilai ka Gilead samba kateteret nenda oniakenangan siripot muntogatnia.

⁶⁴ Kalulut ta'amoi rapakoinong kasei taikebbukatra, iageti ta'atusilo sia sibailiu Imam.

⁶⁵ Utet laggai ka Jehuda masikeraake sia masikom komen sipanguruatnakenen ka Taikamanua, teret bara sara imam sipasititiddou enungan pasamba masipakei Urim samba Tumim.

⁶⁶ Siribbaiakenen atoili ka laggai igitda sangamberidra epat pulu ribu telungotu enem pulu sia.

⁶⁷ Atoili leu sabagei sipasirorop sia igitda pitu ribu telungotu telu pulu pitu sia samba, Sipuurai igitda ruangotu epat pulu lima sia.

⁶⁸ Sia leu et ai pitungotu telu pulu enem ngamuneng kuro, ruangotu epat pulu lima ngamuneng bagal,

⁶⁹ epatngotu telu pulu lima ngamuneng unta samba enem ribu pitungotu rua pulu ngamuneng kaliddei.

⁷⁰ Ka talagat taikauma maigi sipasikakau pusurakat addeat masiropmake pubulaganan masipaeru Uman Tuhan: Sibara kai Gubernur: balu kilo mas, lima pulu mangkot punen, samba limangotu telu pulu leppei imam.

⁷¹ Sibara ka Sautet muntogat: sangotu enem pulu balu kilo mas, sangaribu ruangotu lima pulu kilo perak

⁷² Sibara ka sirimanua sabagei sangotu enem pulu balu kilo mas, sangotu epat pulu kilo perak, samba enem pulu pitu leppei imam.

⁷³ Tai imam, tai Lewi, sia sipasijajago gugurukat Uman Tuhan, Sipuurai, maigi rakyat simaturere, sipugalai ka Uman Tuhan, putetekat tiboinia sangamberi rakyat Israel, mukuddu ka laggai sabeu samba ka aggai sigoiso ka Jehuda.