Neh. 11 - BUKO SIPUNENAN

Sipulalaggai ka Jerusalem

¹ Sia saute mukuddu ka Jerusalem samba rakyat masigalai pauktuk addeat masisausau sangalalep ka talagadra sipulu ngalalep bui ta mukuddu ka Jerusalem, laggai sipunenan. Oto sia si siba sipulelegei nene momoi rakuddu ka laggai bagei.

² Ka talagadra ai sioba mukuddu ka Jerusalem samba raumun le sia sarakyat.

³ Ka laggai bagei rakyat Israel, tai imam, tai Lewi sipasigagalai Uman Tuhan, samba sapunuteteu pagugulet Salomo mukuddu ka polakra samba laggaira saradda.

⁴ Ka Jerusalem mukuddu sangamberi sibara ka muntogat Jehuda samba Benjamin. Sibara ka tatogat Jehuda: Ataya togat Uzia, togat Zakharia togat Amarya togat Sefaca togat Mahalaleel sibara ka muntogat Peres,

⁵ samba si Maaseya togat Barukh togat Kolhoze togat Hazaya togat Adaya togat Joyarib sapunuteteura tai Syeba.

⁶ Muntogat Peres sikukuddu ka Jerusalem igitdra epatngotu enem pulu balu sia simaron tubu

^7-8 Suku Benjamin: Salu togat Mesulam punuteteu Jo'ed. Piga pa katalagat taikebbukatdra iate: Pedaya, Kolaya, Maaseya, Itiel samba Jesaya. Gabai samba Salai. Sia sipusasaraina kai Salu. Suku Benjamin sikukuddu ka Jerusalem igitdra 928 sia, ipaneinei sia

⁹ si Jo'el togat Zikhri samba punutubunia, Jehuda togat Hasenua.

^10-11 Tai imam: Jedaya togat Joyarib samba Jakhin. Seraya togat Hilkia punuteteu Mesulam. Paga pa' ka talagat taikebbukatnia iate: Zadok, Merayot, Ahitub sipasiukka Imam Sabeu.

¹² Tai imam sikukuddu samba sipugagalai ka Jerusalem igitdra 822 sia. Adaya togat Jeroham samba punuteteu Pelalya. Piga pa' ka talagat taikebbukatnia iate: Amzi, Zakharia, Pasyhur samba Malkia.

¹³ Sangamberi siuteake lalep ka bagat muntogat nenda iginia 242 sia. Amasai togat Asareel samba punuteteu Ahzai. Taikebbukatnia iate Mesilemot samba Imer.

¹⁴ Sibara ka muntogat nene ai 128 sia simagege pasaggak. Siuteake sia iate Zabdiel, togat Gedolin.

¹⁵ Tai Lewi: Semaya togat Hasub samba punuteteu Azrikam. Taikebbukania iate Hasabya samba Buni.

¹⁶ Sabetai samba Jozabad, tai Lewi sipasikeli galajet ka ujat Uman Tuhan.

¹⁷ Matanya togat Mikha punuteteu Zabdi, sibara ka muntogat Asaf. Nia te masiuteake sipuurai ka Uman Tuhan ke tuuraiake urai pusurakat. Bakbukya punutubut Matanya. Abda togat Samua samba punuteteu Galal, sibara ka muntogat Jedutun.

¹⁸ Tai Lewi sipukukuddu igitdra 284 sia.

¹⁹ Sipasijajago matatbaliu gugurukat Uman Tuhan: Akub, Talmon samba saaleira. Tadde'ra sangamberida 172 sia.

²⁰ Paamian Israel, tai imam samba tai Lewi sipulelegei, mukuddu ka polakdra ka senen laggai ka Jehuda.

²¹ Sipugagalai ka Uman Tuhan kuddu ka rubeiat laggai Jerusalem sipuoni Ofel. Masiuteake rapugalai iate si Ziha samba si Gispa.

²² Sipasijago tai Lewi sikukuddu ka Jerusalem iate Uzi togat Bani samba punuteteu Hasabya. Taikebbukatnia iate Matanya samba Mikha. Si Uzi leu rubeiat muntogat ka muntogat Asaf, sipugagalai masipasikeli musik ka parurukat ka Uman Tuhan.

²³ Senen muntogat tupasaili masipasikeli musik ka Uman Tuhan senen gogoi siteuakenen siripot peraturan rimata.

²⁴ Patahya togat Mesezabeel sibara ka muntogat Zera, suku Jehuda, ibailiu punutubu bangsa Israel ka uma purimataat Persia.

Sipulalaggai ka laggai bagei

²⁵ Maigi tai Jehuda sikukuddu ka laggai sipalelegre pasamba monendra, ka Kiryat-Arba, Dibon, Jekabzeel,

²⁶ Jesua, Molada, Bet-Pelet

²⁷ Hazar-Sual, Bersyeba

²⁸ Ziklag, Mekhona

²⁹ En-Rimon, Zora, Jarmut,

³⁰ Zanoah, Adulam, Azeka, Lakhis. Sia nene iate suku-suku Jehuda sikukuddu ka kupkumen laggai Barsyeba isit ka kaiaman samba ka igrit leleu Hinom.

³¹ Ai piga pa' sia ka suku Benjamin mukuddu ka Geba, Mikhmas, Ai, Betel samba Desa-desa ka bebenia,

³² ka Anatot, Nob, Ananya,

³³ Hazor, Rama, Gitaim,

³⁴ Hadid, Zeboim, Nebalat,

³⁵ Lod, Ono samba ka Igrit leleu Siagai mugalai.

³⁶ Piga pa mungkuatdra tai Lewi amasikudduji siboiki ka kupkumen laggai Jehuda rakoiniake sia mukuddu pasamba tai Benjamin.