Malk. 4 - BUKO SIPUNENAN

Puaailinia gogoi Tuhan

¹ Kuanangan Tuhan Sipulugege, “Iaili te geti gogoinia sangamberi sirimanua simabuak patuat samba sikatai tulabo kele sigetaiat. Ka gogoi nenda labonangan sia pat sappru, samba ta anai sipulelegei ka talagdra.

² Tapoi ka kam simareddet ka tubukKu, bebela te gegeKu kele sulu siarauake, samba toronia sibaraake katualeat. Tuujamuian samba maangka baga kele togat jaui simaruei tubelaake ka gulak.

³ Ka gogoi nenda pugalaikungan leu, samba kalaakemuian sangamberi sirimanua sikatai, bailiunangan sia kele abu paperakietmui.

⁴ Repdem le kam sangamberi sigalaiakenen Mose paguguletKu, repdep sangamberi surukat samba sangamberi parenta sikauKu ka tubunia ka leleu Sinai sibailiu reddenen sangamberi pamian Israel.

⁵ Tapoi kepei bara gogoi simaron samba kaloto'akenen iaili siteuakenenku nenda, Kukokoiniake te ka tubumui Nabi Elia.

⁶ Galainangan geti pusaraat paatuat sangamberi saukkui samba tatoga, bule bui' ta Kuoi masisubuake tobbou laggaimui.”