Jos. 19 - BUKO SIPUNENAN

Kupkumen laggai sinausau bakkatdra suku Simeon

¹ Parubeiat sikaruania iate polakdra sangamberi sipulalalep ka suku Simeon. Pasongan polakdra aili ka pasongan polakdra tai Jehuda.

² Atukau ka sia laggai samba leu et palaggai-laggai sigoiso bagei ka be'benia pulu telu iate nene: Bersyeba, Syeba, Molada,

³ Hazar-Sual, Bala, Ezem,

⁴ Eltolad, Betul, Horma,

⁵ Ziklag, Bet-Hamarkabot, Hazar-Susa,

⁶ Bet-Lebaot samba Saruhen: pulu telu laggai pasamba palaggailaggai sigoiso.

⁷ Ia leu et epat laggai nene pasamba laggai sigoiso ka be'benia: Ain, Rimon, Eter samba Asan.

⁸ Ia leu et minca sangamberi laggai sigoiso sigoilik laggai nenda teret kele reunan Baalat-Beer (iate Rama) ka polak ka isit ka kaiaman. Nenda te polak sikau katubutda sangamberi sipulalalep sibara ka suku Simeon ibailiunia bakkatdra.

⁹ Kalulut polakdra suku Jehuda makopean le lio, oto sangarubeiat sibara ka polak nenda tukau ka tubut suku Simeon.

Kupkumen laggai sinausau bakkatdra suku Zebulon

¹⁰ Parubeiat si katelu iate polakdra sangamberi sipulalalep ka suku Zebulon. Pasongan polak sikau katubutda pat aili ka Sarid.

¹¹ Barania ka Sarid, pasongan isit kabelekat sulu masiailiake ka Marala, lepa tabbra Dabeset samba rubat bagat oinan ka isit kabelaiat sulu Jokneam.

¹² Pasongan isit kabelaiat sulu barania ka Sarid masiailiake ka pasongan Khislot-Tabor, ipo' ka Dobrat, lepa tatra ka Jafia.

¹³ Barania sedda pasongan nenda riuriu ka isit kabelaiat sulu ka Gat-Hefer samba Et-Kazin, lepa biluake ka ipot Nea masiailiake ka Rimon.

¹⁴ Ka isit ka bare' pasongan polak nenda biluake ka ipot Hanaton samba kapplu ka su'sut Jiftah-El.

¹⁵ Ka laggai kupkumen Zebulon nenda guruk leu et: Katat, Nahalal, Simron, Jidala samba Betlehem. Kupkumen laggaira nene iaili pulu rua laggai pasamba sangamberi laggai sigoiso ka be'benia.

¹⁶ Sangamberi laggai pasamba sangamberi laggai sigoiso nenda ainia ka bagat kupkumen laggai sikau katubutda sangamberi sipulalalep ka suku Zebulon bule ibailiunia polak bakkatdra.

Kupkumen laggai sinausau bakkatdra suku Isakhar

¹⁷ Parubeiat si ka epat iate polakdra sangamberi sipulalalep ka bagat suku Isakhar.

¹⁸ Ka bagat kupkumen laggaira iate: Jizreel, Khesulot, Sunem,

¹⁹ Hafaraim, Sion, Anaharat,

²⁰ Rabit, Kisyon, Ebes.

²¹ Remet-En-Ganim, Enhada samba Bet-Pazes.

²² Pasongan polakdra tabbra ka Tabor, Sahazima, Bet-Semes, lepa kapplu ka bagat oinan Jordan. Kupkumen laggaira nenda iaili pulu enem laggai pasamba laggai sigoiso ka be'benia.

²³ Sangamberi laggai samba sangamberi laggai sigoiso nenda ainia ka bagat kupkumen laggai sikau katubutda sangamberi sipulalalep ka bagat suku Isakhar ibailiunia polak bakkatdra.

Kupkumen laggai sinausau bakkatdra suku Asyer

²⁴ Parubeiat sika lima iate polakdra sangamberi sipulalalep ka bagat suku Asyer.

²⁵ Kupkumen laggaira iate: Helkat, Hali, Beten, Akhsaf,

²⁶ Alamelekh, Amad, samba Misal. Pasongan polakdra ka isit kabelekat sulu itatabbra leleu Karmel samba bagat oinan Libnat.

²⁷ Barania ka pasongandra nenda biluk ka isit kabelaiat sulu ka Bet-Dagon lepa tabbra pasongan Zebulon samba su'sut Jiftah-El masiailiake ka isit bare' ka Bet-Emek samba Nehiel. Lepa pasongan nenda riuriu minca masiailiake ka bare' ka Kabul,

²⁸ Ebron, Rehob, Hamon samba Kana, sege kele reunan Sidon.

²⁹ Barania sedda ka pasongan nenda biluk minca ka Rama riuriu aili ka laggai Tirus, iate sara laggai sibara Kekre; lepa geti pasongan nenda biluk minca ka Hosa lepa kapplu ka Koat Tenga. Ka bagat pasongan nenda guru' leu et Mahalab, Akhzib,

³⁰ Uma, Afek samba Rehob. Sangaliot kupkumen laggaira iaili rua pulu rua laggai pasamba laggai sigoiso ka be'benia.

³¹ Sangamberi laggai samba laggai sigoiso nenda ainia ka bagat kupkumen laggai sikau katubutda sangamberi sipulalalep ka bagat suku Asyer ibailiunia polak bakkatdra.

Kupkumen laggai sinausau bakkatdra suku Naftali

³² Parubeiat sika enem iate polakdra sangamberi sipulalalep ka bagat suku Naftali.

³³ Pasongan polakdra barania ka Halef, sege ka loina tarbantin ka Zaananim, riuriu ka Adami-Nekeb, lepa ka Jabneel, sege ka Lakum, lepa geti kapplu ka bagat oinan Jordan.

³⁴ Barania sedda pasongan polak nenda biluakenangannia ka isit ka belekat sulu ka Asnot-Tabor, samba barania sedda ka Hukok. Ka isit ka kaiaman, kupkumen laggai nene pasongan kupkumen laggai Zebulon, ka isit kabelekat sulu, suku Asyer samba ka isit kabelaiat sulu pasamba bagat oinan Jordan.

³⁵ Laggai sibara geli bukku iate: Zidim, Zer, Hamat, Rakat, Kineret,

³⁶ Adama, Rama, Hazor,

³⁷ Kedes, Edrei, En-Hazor,

³⁸ Jiron, Migdal-El, Horem. Bet-Anat, samba Bet-Semes. Sangaliot kupkumen laggaira iaili pulu siba laggai pasamba laggai sigoiso ka be'benia.

³⁹ Sangamberi laggai pasamba laggai sigoiso nenda ainia ka kupkumen laggai sikau katubutda sangamberi sipulalalep ka suku Naftali ibailiunia polak bakkatdra.

Kupkumen laggai sinausau bakkatdra suku Dan

⁴⁰ Parubeiat sika pitunia iate polak addeat sangamberi sipulalalep ka suku Dan.

⁴¹ Kupkumen laggaira nene iaili Zora, Esytaol, Ir-Semes,

⁴² Saalabin, Ayalon, Jiftla,

⁴³ Elon, Timna, Ekron,

⁴⁴ Elteke, Gibeton, Baalat,

⁴⁵ Jehud, Beneberak Gat-Rimon,

⁴⁶ Me-Jarkon, Rakon, samba leu et kupkumen laggai ka be'bet Jope.

⁴⁷ Sia suku Dan amapepe sangarubeiat laggai kupkumendra, oto ei sia ka Lesem samba saggangirangan laggai nenda oppurangannia, mateiakerangan sia sikuddu sedda. Iageti pulaggairangan sedda samba sailirangan onin laggai Lesem nenda bailiunangan laggai Dan, siripokat onin taikebbukatdra.

⁴⁸ Sangamberi laggai samba sangamberi laggai pagoiso-goiso nenda ainia ka bagat kupkumen laggai sikau katubutda sangamberi sipulalalep ka suku Dan ibailiunia polak bakkatdra.

Parubeiat sikateitei

⁴⁹ Kele ailepa araparubei polak sapaamian Israel ka tobbou laggai nenda, kaurangan kai Josua togat Nun sangarubeiat polak ibailiu polak bakkatnia.

⁵⁰ Kele siparentaakenen Tuhan, kaurangan ka tubunia laggai sinindounia, iate Timnat-Serah ka leleu Efraim. Galainangannia minca laggai nenda si Josua, lepa kuddunia sedda.

⁵¹ Kisedda te imam Eleazar, Josua togat Nun samba sia saute ka sipulalalep ka sangamberi suku bangsa Israel masiparubei polak ka tobbou laggai nenda masigalai pauktungan bule ratiddou enungan sibara kai Tuhan. Aragalaiake nenda iate ka Silo ka ipot matat baliu Sapou Tuhan. Kise te kalepakatnia pasirubeiat polak.