Jos. 12 - BUKO SIPUNENAN

Tai rimata sikalaakenen Mose

¹ Kupkumen laggai ka isit kabelaat sulu Jordan, barania su'su bagat oinan Arnon teret sakai ka su'sut Jordan sege ka leleu Hermon ka isit ka bare', araoppungan samba arakudduijingan tai Israel. Ai rua sia rimata arakalaake.

² Sara oninia Sihon, rimatadda tai Amori sikuddu ka Hesybon. Kupkumen laggainia iaili iletalaga kupkumen laggai Gilead: iate barania ka Aroër (ka be'bet su'su Arnon) samba laggai ka tengan su'su nenda sege ka bagat oinan Jabok ka pasongan kupkumen laggai bangsa Amon;

³ ia leu et iaili kupkumen laggai Jordan isit kabelaiat sulu barania Danau Galilea ka isit ka kaiaman sege ka Bet-Jesimot (ka isit kabelaiat sulu Laut Mati), teret ka su'sut leleu Pisga.

⁴ Tai rimata sabagei arakalaake tai Israel iate Rimata Og ka laggai Basan, sikuddu ka Asytarot samba Edrei. Iate sarania sipulelegei sibara ka bangsa Refaim.

⁵ Addeat laggai kupkumennia iaili leleu Hermon, Salkha, samba sangaliot Basan sege kipa reunan kupkumen laggai Gesur samba Maakha; ialeu et iaili iletalaga kupkumen laggai Gilead sege kele reunan kupkumen laggai rimata Sihon ka laggai Hesybon.

⁶ Nenda te si rua rimata sikalaakenen Mose sambadra tai Israel. Polakdra tai rimata nenda kaunangannia si Mose, pagugulet Tuhan, katubut suku Ruben, Gad samba iletalaga suku Manasye, ibailiunia polak bakkatdra.

Tai rimata sikalaakenen Josua

⁷ Tai rimata sikalaakenen Josua simakere sambadra tai Israel sia te sangamberi rimata ka kupkumen laggai isit kabelekat sulu bagat oinan Jordan, barania Baal-Gad ka su'sut Libanon teret sege ka leleu Gundul ka isit ka kaiman legret Edom. Kupkumen laggai nenda parubeinangannia si Josua ka suku-suku bangsa Israel ibailiunia polak bakkatdra.

⁸ Laggai kupkumen nenda iaili kupkumen laggai simaleleu, kupkumen laggai su'sut tinambu, kupkumen laggai gilak ka isit kabelaiat sulu, samba kupkumen laggai simatangeu ka isit ka kaiaman. Sangamberi kupkumen laggai nenda iate siboiki kupkumen laggai kudduatdra bangsa Het, Amori, Kanaan, Feris, Hewi samba Jebus.

⁹ Tai rimata aikalaake, sangamberinia telu pulu sara sia igitdra; iate sangamberi rimata sibara ka sangamberi laggai sipatutut nene: Jerikho, Ai (legret Betel),

¹⁰ Jerusalem, Hebron,

¹¹ Jarmut Lakhis,

¹² Eglon, Gezer,

¹³ Debir, Geder,

¹⁴ Horma, Arad,

¹⁵ Libna, Adulam,

¹⁶ Makade, Betel,

¹⁷ Tapuah, Hefer,

¹⁸ Afek, Lasaron,

¹⁹ Madon, Hazor,

²⁰ Simron-Meron, Akhsaf,

²¹ Taanakh, Megido,

²² Kedes, Jokneam (ka Karmel),

²³ Dor (ka be'bet koat), Goyim (ka Galilea),

²⁴ samba Tirza.