Jes. 20 - BUKO SIPUNENAN

Ukuman Tuhan ka tai Misir samba Etiopia

¹ Kateteret aikoiniake utet saladdu si Sargon, Rimata Asyur, sege ka Asdod mei masisaggangi samba masioppunia,

² kateteret nenda kuanangan si Tuhan kai Jesaya togat Amos, “Kenan samba golok komak goni ka tengam samba golok tarangainu,” lepa galaiakenanngan kisedda, puenungnangan sibulutut samba sita'tarangai.

³ Kuanangan si Tuhan, “PaguguletKu si Jesaya telu ngarurangan aipubulutut samba taaiputarangai. Nene te toggaiat sipuaaili geti ka Misir samba Etiopia.

⁴ Rimata Asyur masiambit geti tai Misir sibailiu patptakenen samba tai Etiopia sibailiu ribbaiakenen, sikebbukat samba silainge sibuluut samba sitarangani samba aimakokoinong paipaira, sara paloloiat sabeu ka tai Misir.

⁵ Iageti tugegerangan sirimanua samba maila kalulut Etiopia sibailiu karonietda, samba kalulut Misir abeuakenenda.

⁶ Kateteret nenda sangamberi sirimanua sikuddu ka bebet koat masikua geti, “Itco, kise te uktuk tubu sangamberi sirimanua karonietmai. Siburu katubutda le kuei kai masitiddou paroman bule kubela kai ka rimata Asyur. Kipa te ioi kubela kai?”