Jes. 12 - BUKO SIPUNENAN

Urai pusurakat kalulut puaraugat

¹ Kateteret nenda nukukua te geti: “Kuoba musura katubum, ale Tuhan, kenanen poi amugoluan Ekeu katubukku: tapoi atupasatan goluNu samba pusuibinungan aku.

² Bulatnia, Taikamanua nenda puaragatku, matonem bagaku taan maloloto aku. Aipoi Tuhan Taikamanua nenda ronku samba pasiumunku, aibailiuannia puaragatku.”

³ Oto seilumuian geti oinan kabagat angkat baga sibara bubuakat puaraugat.

⁴ Kateteret nenda kuamuian geti: “Pusura kam kai Tuhan, sogaikam oninia paagai kam sigalaiNia katalagat bangsa-bangsa abeuake kam oniNia sipulubeunan.

⁵ Umunake kam si Tuhan, aipoi sigalaiNia malatsat; maeru nene raagainia ka sangaliot polak

⁶ Pusoga samba pugora baga ale sipulaggai ka Sion aipoi Sipululatsat Taikamanuan Israel, abeu katalagamui.”