Jer. 45 - BUKO SIPUNENAN

Palelengan Taikamanua kai Barukh

¹ Ka rura sikaepat puparentaat Joyakim togat Josia ka Jehuda. Si Barukh masisuratnake apa sitiboakenenku katubunia. Lepa segeakekungannia katubunia

² tiboiet Tuhan, Taimanuan Israel. Kuanangan si Tuhan, “Barukh,

³ mungunyu' le ekeu kise, “Ah, bulat siboboi le aku nene! Pangoringanku makope le igi, samba ituppei le minca si Tuhan pasamba pengoringan. Amasaggongan aku muhoihoi ta'anai beri sara pusanangan!

⁴ Ale Barukh! Ngangan Tuhan, bulatnia kupakakatai le sigalauKu, samba siurepKu, Kububurau le. Sangamberi laggai leu kisedda Kugagalai.

⁵ Angoi nuoba tukokoiake? Bui kisedda, Barukh! Sangamberi sirimanua Kuukum le pasamba paoreat, tapoi pagalaiat ekeu, tuaarauake le. Kenanen kaipa nuei, mariuriu le nupurimanua. Ngangan Tuhan.”