4Mos. 7 - BUKO SIPUNENAN

Panguruatda kateteret aitupuneni Sapou Sipunenan

¹ Ka teteret ailepa airioake Sapou Sipunenan si Mose, puneninangannia pasamba sangamberi sibabara ka bagania, lokotakenangan tulat punen ka sangamberinia. Kisedda leu et aigalai ka kudduat pasibuluat samba sangamberi bibilet ka bagania.

² Lepa sia sikebbukat laggai Israel, iate sia sautet suku sipuuku sigalaiake pasisuranan,

³ masipanguruatake enen ngambua pedati samba pulu rua ngamuneng jaui kai Tuhan: senen rua saute masipanguruatake sara padati, samba senenda sangamuneng jaui. Lepat rapanguruatakenia,

⁴ kuanangan si Tuhan kai Mose,

⁵ “Silo le sangamberi siakera nenda addeat masiabbiat SapouKu, kau le sangamberinia nenda ka tubudda tai Lewi siripot pupasikelananda.”

⁶ Lepa kaunangannia si Mose sangamberi pedati samba jaui nenda ka tubudda tai Lewi.

⁷ Kaunangan rua pedati samba epat ngamuneng jaui ka tubudda tai Gerson,

⁸ epat pedati samba balu ngamuneng jaui ka tubudda tai Merari, siripot galajet sigalaiakenenda kapupaneneat Itamar, togat Aron.

⁹ Tapoi tai Kehat ta arasilo pedati samba jaui sibara kai Mose, kalulut sangamberi bibilet sipunenan sibailiu puukuketda, buita rabaiarat ka ta'tara.

¹⁰ Sikebbukat laggai masiabbit panguruat addeat masiabeuake enungan masigalai punen kudduat pasibuluat. Ka teteret ramaterek raabbit panguruatda lkau matat kudduat pasibuluat,

¹¹ kuanangan si Tuhan kai Mose, “Kua ka tubudda senen gogoi burunia pulu rua ngagogoi sara katalagatda saute nenda bui' ta ipanguruatake buluakenen addeat enungan masipuneni kudduat pasibuluat.”

¹² Sipasikakau panguruat ka gogoi siboiki iate si Nahason, togat Abinadab sibara ka muntgogat Jehuda.

¹³ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

¹⁴ sara pulokat pulu syikal mas sanenia, ai kabagania kumanyang;

¹⁵ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

¹⁶ sangamuneng kambing simanteu, pakeiet buluakenen pasiposat jo;

¹⁷ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Nahason togat Aminadab.

¹⁸ Ka gogoi sikarua iate Netaneel togat Zuar, siuteake suku Isakhar, masipanguruatake panguruat.

¹⁹ Sibailliu panguruatnia ipanguruatake sangapiring perak, sangotu telupulu syikal kilonia, samba sangabokor pasisubui sigalai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

²⁰ sara pulokat pulu syikal mas sanenia, ai kabagania kumanyang;

²¹ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

²² sangamuneng kambing simanteu, pakeiet buluakenen pasiposat jo;

²³ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat. Nenda panguruat Netaneel togat Zuar.

²⁴ Ka gogoi sikatelu iate: siuteake muntogat Zebulon, iate Eliab togat Helon.

²⁵ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

²⁶ sara pulokat pulu syikal mas sanenia, ai kabagania kumanyang;

²⁷ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

²⁸ sangamuneng kambing simanteu, pakeiet buluakenen pasiposat jo;

²⁹ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat. Nenda panguruat Netaneel togat Zuar.

³⁰ Ka gogoi sikaepat: siuetake muntogat Ruben, iate Elizur togat Syedeur.

³¹ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

³² sara pulokat pulu syikal mas sanenia, ai kabagania kumanyang;

³³ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

³⁴ sangamuneng kambing simanteu, pakeiet buluakenen pasiposat jo;

³⁵ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Elizur togat Syedeur.

³⁶ Ka gogoi sikalima: siuetake muntogat Simeon, iate Selumiel togat Zurisyadai.

³⁷ Panguruatnia iate sangapiring perak, sangotu telupulu syikal kilonia, samba sangabokor pasisubui sigalai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

³⁸ sara pulokat pulu syikal mas sanenia, ai kabagania kumanyang;

³⁹ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁴⁰ sangamuneng kambing simanteu, pakeiet buluakenen pasiposat jo;

⁴¹ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Selumiel togat Zurisyadai.

⁴² Ka gogoi sikaenem: siuateake muntogat Gad, iate Elyasaf togat Rehuel.

⁴³ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁴⁴ sara pulokat pulu syikal mas sanenia, ai kabagania kumanyang;

⁴⁵ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁴⁶ sangamuneng kambing simanteu, pakeiet buluakenen pasiposat jo;

⁴⁷ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Elyasaf togat Rehuel.

⁴⁸ Ka gogoi sikapitu: siuteake muntogat Efraim, iate Elisama togat Amihud.

⁴⁹ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁵⁰ sara pulokat pulu syikal mas sanenia, ai kabagania kumanyang;

⁵¹ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁵² sangamuneng kambing simanteu, pakeiet buluakenen pasiposat jo;

⁵³ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Elisama togat Amihud.

⁵⁴ Ka gogoi sikabalu: siuteake muntogat Manasye, iate Gamaliel togat Pedazur.

⁵⁵ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁵⁶ sara pulokat pulu syikal mas sanenia, ai kabagania kumanyang;

⁵⁷ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁵⁸ sangamuneng kambing simanteu, pakeiet buluakenen pasiposat jo;

⁵⁹ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda panguruat Gamaliel togat Pedazur.

⁶⁰ Ka gogoi sikasiba: siuteake muntogat Benjamin, iate Abidan togat Gideoni.

⁶¹ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁶² sara pulokat pulu syikal mas sanenia, ai kabagania kumanyang;

⁶³ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁶⁴ sangamuneng kambing simanteu, pakeiet buluakenen pasiposat jo;

⁶⁵ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Abidan togat Gideoni.

⁶⁶ Ka gogoi sikapulu: siuteake muntogat Dan, iate Ahiezer togat Amisyadai.

⁶⁷ Panguruatnia iate sangapiring perak, sangotu telupulu syikal kilonia, samba sangabokor pasisubui sigalai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁶⁸ sara pulokat pulu syikal mas sanenia, ai kabagania kumanyang;

⁶⁹ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁷⁰ sangamuneng kambing simanteu, pakeiet buluakenen pasiposat jo;

⁷¹ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Ahiezer togat Amisyadaika.

⁷² Ka gogoi sikapulusara: siuteake muntogat Asyer, iate Pagiel togat Okhran.

⁷³ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁷⁴ sara pulokat pulu syikal mas sanenia, ai kabagania kumanyang;

⁷⁵ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁷⁶ sangamuneng kambing simanteu, pakeiet buluakenen pasiposat jo;

⁷⁷ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Pagiel togat Okhran.

⁷⁸ Ka gogoi sikapulurua: siuteake muntogat Naftali, iate Ahira togat Enan.

⁷⁹ Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen;

⁸⁰ sara pulokat pulu syikal mas sanenia, ai kabagania kumanyang;

⁸¹ sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo;

⁸² sangamuneng kambing simanteu, pakeiet buluakenen pasiposat jo;

⁸³ samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Ahira togat Enan.

⁸⁴ Nenda te panguruat ka punen aitutulaiji kudduat pasibuluat ka gogoi aitutulaiji kudduat pasibuluat nenda, sibara ka rubeiat siuteake Israel, iate pulurua ngapiring perak, pulurua ngabokor pasisubui sigalai ka perak, pulurua pulokat mas.

⁸⁵ Sanenia senen piring iate sangotu telu pulu syikal perak, samba sanen bokor pasisubui iate pulu syikal; sangamberi pugalai sibara ka mas nenda ai rua ngaribu epatngotu syikal sanenia, tukilo siripot syikal sipunenan.

⁸⁶ Iageti pulurua pulokat mas sibara kabaga kumanyang, senen pulokat pulu syikal sanenia, tukilo siripot syikal sipunenan; sangamberi pulokat mas nenda ai sangotu ruapuluh syikal sanenia.

⁸⁷ Sangamberi tarimeu buluakenen silabo nenda iate pulu rua ngamuneng jaui simanteu, pulurua ngamuneng biribiri simanteu, pulurua ngamuneng biribiri sipurura sangarura, pasamba buluakenen komen sitarekakenen; samba pulurua ngamuneng kambing simanteu buluakenen pasiposat jo.

⁸⁸ Sangamberi tarimeu buluaknen puaraugat nenda iate rua puluepat ngamuneng jaui simanteu, enam pulu ngamuneng biribiri simanteu, enam pulu ngamuneng kambing simanteu, enam pulu ngamuneng biribiri sipurura sangarura. Nenda panguruat punen kudduat pasibuluat, ka lepat aitutulaiji kudduat pasibuuat nenda.

⁸⁹ Ke tuguru si Mose kabagat Sapou Paailiat bule ipatiboakeNia, arepnangan leu nganga sipasikua katubunia sibara ka uddut tabbot pasiabanan, ka uddut petit surukat Taikamanua, katalagat rua kappo nenda; kisedda te ipanibo katubunia.