1Taw. 7 - BUKO SIPUNENAN

Muntogat Isakhar

¹ Si Iskhar ai epat togania taimanteu: si Tola, Pua, Jasub samba si Simron.

² Si Tola ai enem togania taimanteu: Uzi, Rafaya, Jeriel, Jahmai, Jibsam samba si Samuel. Sia te ute ka pulalalep ka bagat muntogat Tola samba simaagai sibailiu saladdu simagege kateteret Rimata David, taddet muntogatda rua pulu rua ribu enem ngotu sia.

³ Si Uzi ai sara togania simanteu sipuoni Jizrahya. Si Jizrahya samba epatda tatogania simanteu, iate si Mikhael, Obaja, Jo'el samba Jisia iate saute.

⁴ Tainanalep samba tatogatda maigi bailiunangan muntogatda momoi masitarekake telu pulu enem ribu sia taimanteu addeat musaladdu.

⁵ Siripot surat oni simakolou, sibara ka sangamberi sipulalalep ka bagat suku Isakhar iaili balu pulu pitu ribu sia taimanteu situkakapplu puteukat musaladdu.

⁶ Si Benjamin ai telu tatogania taimanteu: si Bela, Bekher samba si Jediel.

⁷ Si Bela ai lima tatogania taimanteu: si Ezbon, Uzi, Uziel, Jerimot samba si Iri. Sia te utet muntogat ka muntogatda samba simaagai sibailiu sangamberi saladdu simagege. Ka bagat surat muntogat atusurat rua pulu rua ribu telu pulu epat sia taimanteu situkakapplu puteukat addeat musaladdu.

⁸ Si Bekher ai siba tatogania taimanteu: si Zemira, Joas, Eliezer, Elyo'enai, Omri, Jeremot, Abia, Anatot samba si Alemet.

⁹ Siripot surat oni simaresmi, sibara ka sangamberi sipulalalep ka bagat suku Isakhar iaili rua pulu ribu ruangotu sia taimanteu situkakapplu puteukat addeat musaladdu.

¹⁰ Si Jediel ai sara togania simanteu sipuoni Bilhan. Si Bilhan ai pitu tatogania taimanteu: Jeus, Benjamin, Ehud, Kenaana, Zetan, Tarsis samba Ahisahar.

¹¹ Sia te utet muntogat ka muntogatda samba sibailiu saladdu simagege. Ka bagat surat muntogat atusurat pulu pitu ribu ruangotu sia taimanteu situkakapplu puteukat addeat musaladdu.

¹² Si Supim samba si Hupim iate muntogat Ir. Si Hupim iate togat Dan.

Muntogat Naftali

¹³ Si Naftali ai epat tatogania taimanteu: Jahziel, Guni, Jezer samba Salum. Sia iate punuteteu Bilha.

¹⁴ Si Manasye pasamba selirnia sinanalep sibara ka Aram, ai rua tatogania taimanteu: Asriel samba si Mkhhir. Togat Makhir iate si Gilead.

¹⁵ Si Makhir masigaba sinanalep Hupim samba Supim. Onin sinanalep Makhir iate Maakha. Togat Makhir sikarua iate si Zelafehat. Si Zelafehat ta'anai tatogania taimanteu, sarat tainanalep le.

¹⁶ Si Maakha sinanalep Makhir masitu'tutuake matat rua tatoga taimanteu sipuoni Peres samba Seres, si Peres ai rua tatogania taimanteu sipuoni Ulam samba Rekem.

¹⁷ Si Ulam ai sara togania simanteu sipuoni Bedan. Iate muntogat Gilead togat Makhir, punuteteu Manasye.

¹⁸ Maniu Gilead sipuoni Molekhet ai telu tatogania taimanteu: Isyhod, Abiezer samba Mahla.

¹⁹ Si Semida ai epat tatogania taimanteu: Ahyan, Sekhem, Likhi samba Aniam.

Muntogat Efraim

²⁰ Si Efraim ai telu tatogania taimanteu: Sutelah, Ezer samba Elad. Tiboi tubut Efraim kai Sutelah iate Bered, Tahat, Elada, Tahat,

²¹ Zabad, Sutelah. Si Ezer samba Elad tumateiake kateteret pasinanagkou tarimeura sipulalaggai siturerene tobbou laggai Gad.

²² Ukkuira mareureu baga sipugogogoi le burunia pat oi sararainania masipusuibinia.

²³ Iageti si Efraim galainangan mosiloplop tubu minca pasamba sinanalepnia, lepa sinanalep nenda pusuruketnangan samba tutuakenangan matat sara toga simanteu. Si Efraim masikau onin toga nenda iate Beria, kalulut pugejaat baga siorikda nenda.

²⁴ Si Efraim ai togania sinanalep sipuoni Seera. Nia te amasirioake laggai Bet-Horon Bawah samba Bet-Horon Atas, samba leu laggai Uza samba Seera.

²⁵ Ai minca sara simanteu togat Efraim, oninia Refah. Nene te tiboi tubut Refah: Resef, Telah, Tahan,

²⁶ Ladan, Amihud, Elisama,

²⁷ Nun, Josua.

²⁸ Kupkumen tukau addeat ibailiu pulaggaiatda iate barania ka Betel sege ka Naaran ka isit kabelaiat sulu, samba Gezer saigit kabelekat sulu samba leu sangamberi laggai sigoiso ka bebet laggai nenda. Ka bagat kupkumen nenda ai leu laggai Sikhem samba Aya, samba leu laggai sigoiso sigoiliknia.

²⁹ Muntogat Manasye masikupkupake laggai Bet-Sean, Taanakh, Megido, Dor samba laggai sigoiso sigoiliknia. Iate sangamberi laggai kudduat muntogat Josef togat Jakob.

³⁰ Tatogat Asyer taimanteu iate si Jimna, Jiswa, Jiswi, Beria samba sara toga sinanalep sipuoni Serah.

³¹ Si Beria ai rua tatogania taimanteu, iate si Heber samba Malkiel sirioake laggai Birzait.

³² Si Heber ai telu tatogania taimanteu: Jaflet, Somer, Hotam, samba sara toga sinanalep sipuoni Sua.

³³ Si Jaflet ai telu tatogania taimanteu: Pasakh, Bimhab samba Asywat.

³⁴ Si Somer sarainan Jaflet ai epat tatogania taimanteu: si Ahi, Rohga, Jehuba samba Aram.

³⁵ Si Hotam sarainan Jaflet, ai epat tatogania taimanteu: si Zofah, Jimna, Seles samba Amal.

³⁶ Muntogat Zofah iate si Suah, Harnefer, Syual, Beri, Jimra,

³⁷ Bezer, Hod, Sama, Silsa, Jitran samba Beera.

³⁸ Muntogat Jeter iate si Jefune, Pispa samba si Ara.

³⁹ Muntogat Ula iate si Arah, Haniel samba Rizya.

⁴⁰ Iate muntogat Asyer. Sangamberitda ute kapulalalep sibailiu saladdu simagege samba saute sabeu. Ka bagat surat muntogat Asyer atusurat rua pulu enem ribu sia taimanteu situkakapplu puteukat musaladdu.