1Taw. 6 - BUKO SIPUNENAN

Tiboi tubu muntogat Lewi sibailiu Imam Sabeu

¹ Si Lewi ai telu togania simanteu: Gerson, Kehat samba si Merari.

² Si Kehat ai epat togania simanteu: Amram, Jizhar, Hebron samba Uziel.

³ Si Amram ai rua togania simanteu iate, si Aron samba si Mose, samba sara sinanalep iate si Miryam. Si Aron ai epat togania taimanteu: Si Nadab, Abihu, Eleazar samba si Itamar.

⁴ Togat Eleazar iate si Pinehas, togat Pinehas iate si Abisua,

⁵ togat Abisua iate si Buki, togat Buki iate si Uzi,

⁶ togat Uzi iate si Zerahya, togat Zerahya iate si Merayot,

⁷ togat Merayot iate si Amarya, togat Amarya iate si Ahitub,

⁸ togat Ahitub iate si Zadok, togat Zadok iate si Ahimaas,

⁹ togat Ahimaas iate si Azarya, togat Azarya iate si Johanan,

¹⁰ togat Johanan iate si Azarya, nia te sibailiu imam ka Uma Sipunenan sigalai Salomo ka Jerusalem.

¹¹ Togat Azarya iate si Amarya, togat Amarya iate si Ahitub,

¹² togat Ahitub iate si Zadok, togat Zadok iate Salum,

¹³ togat Salum iate si Hilkia, togat Hilkia iate Azarya,

¹⁴ togat Azarya iate si Seraya, togat Seraya iate si Jozadak,

¹⁵ si Jozadak leu tuabbit kateteret aiobaake tai Jehuda samba tai Jerusalem si Tuhan iabbit sia si Nebukadnezar ka kudduat katuribbaiat.

¹⁶ Si Lewi ai togania simanteu, iate si Gerson, Kehat samba si Merari.

¹⁷ Senenda ai tatogatda. Si Libni samba si Simei iate tatogat Gerson,

¹⁸ Tatogat Kehat iate si Amram, Jizhar, Hebron samba si Uziel.

¹⁹ Tatogat Merari iate si Mahli samba si Musi.

²⁰ Tiboi tubut muntogat Gerson iate: Libni, Jahat, Zima,

²¹ Joah, Ido, Zerah, Jeatrai.

²² Tiboi tubut Kehat iate: Aminadab, Korah, Asir

²³ Elkana, Ebyasaf, Asir,

²⁴ Tahat, Uriel, Uzia, Saul.

²⁵ Si Elkana ai rua tatogania taimanteu iate si Amasai samba si Ahimot.

²⁶ Tiboi tubut muntogat Ahimot iate: Elkana, Zofai, Nahat,

²⁷ Eliab, Jeroham, Elkana.

²⁸ Si Samuel ai rua togania taimanteu iate: Jo'el iate sikebbukat, samba sisuleket iate si Abia.

²⁹ Tiboi tubut Merari iate: Mahli, Libni, Simei, Uza,

³⁰ Simea, Hagia, Asaya.

Sipuurai ka Uman Tuhan

³¹ Baranangan aituotcaake Peti Pekerekat Baga tukaunia ka kudduat parurukat ka Jerusalem, pilinangan sia Rimata David sipuurai ka Uman Tuhan.

³² Rapugalai sipasasaili ka Uman Tuhan kateteret kepei Rimata Salomo masigalai Uman Tuhan.

³³ Tiboi tubut sangamberi sirimanua sikau galaiakenen nenda iate kele kisene: barania ka muntogat Kehat: Heman togat Jo'el. Nia masiuteake bagguak sipuurai siboiki. Tiboi tubunia barania ka repe iei ka pata aili ka Jakob iate: Heman, Jo'el, togat Samuel,

³⁴ Elkana togat Jeroham, Eliel togat Jeroham, Eliel togat Toah,

³⁵ Zuf togat Elkana, Mahat togat Amasai,

³⁶ Elkana togat Jo'el, Azaria togat Zefanya,

³⁷ Tahat togat Asir, Ebyasaf togat Korah,

³⁸ Jizhar togat Kehat, Lewi togat Israel.

³⁹ Si Asaf iate siuteake bagguak sipuurai sikarua. Tiboi tubunia barania ka repe iei ka pata aili kai Le: Asaf togat Berekhya, Simea

⁴⁰ togat Mikhael togat Baaseya togat Malkia

⁴¹ togat Etai togat Zerah togat Adaya

⁴² togat Etan togat Zima togat Simei

⁴³ togat Jahat togat Gerson togat Lewi.

⁴⁴ Si Etan iate siuteake bagguak sipuurai sikatelu, nia sibara ka muntogat Merari. Tiboi tubunia barania ka repe iei ka pata aili kai Lewi iate: Etan togat Kisi togat Abdi togat Malukh

⁴⁵ togat Hasabya togat Amazia togat Hilkia

⁴⁶ togat Amzi togat Bani togat Semer

⁴⁷ togat Mahli togat Musi togat Merari togat Lewi.

⁴⁸ Sangamberi galajet bagei ka uman parurukat tusegeake ka sangamberi pagalaiakenenda sia tai Lewi leu et.

⁴⁹ Si Aron samba muntogatnia mugalai masilabo kumanyang, masipanguruatake buluakenen rarangen ka uddut kudduat pasibuluat, masigalaiake sangamberi ngamataat enungan galaiakenen ka Kudduat Bulat Sipunenan, samba masipanguruatake buluakenen pasiposai jot paamian Israel. Sangamberinia nenda ragalaiake siripot sangamberi aturan siakenia si Mose pagugulet Taikamanua.

⁵⁰ Nene te tiboi tubut muntogat Aron: Eleazar, Pinehas, Abisua,

⁵¹ Buki, Uzi, Zerahya,

⁵² Merayoat, Amarya, Ahitub,

⁵³ Zadok, Ahimaas.

Pulaggaiatda tai Lewi

⁵⁴ Nene te kupkumen laggai pulaggaiatda sikau ka muntogat Kehat muntogat Aron. Silorangan trubeiat siboiki sibara ka polak siteuakenen addeat tai Lewi.

⁵⁵ Polakda siaili laggai Hebron ka kupkumen laggai Jehuda, samba sangamberi su'su simaturuturu ka bebenia.

⁵⁶ Tapoi sangamberi mone samba sangamberi desa kupkumen laggai ka bebet laggai nenda tukau katubut Kaleb togat Jefune.

⁵⁷ Muntogat Aron tukau Hebron laggai pukuneman, Jatir, samba sangamberi desa sipatutut nene: pasamba sangamberi su'sunia simaturuturu: Libna, Estemoa,

⁵⁸ Hilen, Debir,

⁵⁹ Asan, Bet-Semes.

⁶⁰ Ka kupkumen laggai suku Benjamin tukau ka sia sangamberi desa sipatutut nene pasamba sangamberi su'sunia simaturuturu: Geba, Alemet, samba Anatot. Sangamberinia laggaira ai pulu telu rubeiakenen katalagat muntogatra.

⁶¹ Pulunga laggai ka suku Manasye ka saigit kabelekat sulu bagat oinan Jordan tukau masigalai pauktuk ka sangamberi sipulalalep ka muntogat Kehat sita'anai peile polak.

⁶² Sangamberi sipulalalep ka bagat muntogat Gerson masisilo pulu telu desa ka kupkumen laggai suku Isakhar, Asyer, Naftali samba Manasye sikuddu ka Basan ka saigit kabelaiat sulu bagat oinan Jordan.

⁶³ Masigalai pauktuk leu et, sangamberi sipulalalep ka bagat muntogat Merari masisilo 12 ngadesa ka kupkumen laggai suku Ruben, Gad samba Zebulon.

⁶⁴ Kisedda te enungannia bangsa Israel masirubeiake ka suku Lewi. Sangamberi desa pasamba su'sunia simaturuturu addeat pulaggaiatda.

⁶⁵ Sangamberi desa ka kupkumen laggai suku Jehuda, Simeon samba Benjamin silepa tukua nenda, ia leu et turubeiake masigalai pauktuk.

⁶⁶ Ka kupkumen laggai Efraim sangarubeiat sibara ka sangamberi sipulalalep muntogat Kehat masisilo sangamberi desa kele nene, pasamba su'su simaturuturu ka bebenia.

⁶⁷ Sikhem, laggai pukuneman ka leleu kupkumen nenda, Gezer,

⁶⁸ Jokmeam, Bet-Horon

⁶⁹ Ayalon samba Gat-Rimon.

⁷⁰ Ka kupkumen suku Manasye ka saigit kabelekat sulu bagat oinan Jordan sia masisilo desa Aner samba Bileam pasamba su'su simaturuturu ka bebenia.

⁷¹ Sangamberi sipulalalep muntogat Gerson masisilo sangamberi desa sipatutut nene pasamba sangamberi su'su simaturuturu ka bebenia: ka kupkumen suku Manasye ka saigit kabelaiat sulu bagat oinan Jordan, Golan ka Basan samba Asytoret.

⁷² Ka kupkumen suku Isakhar: Kades Daberat,

⁷³ Ramot samba Anem.

⁷⁴ Ka kupkumen suku Asyer: Masal, Abdon,

⁷⁵ Hukok samba Rehob.

⁷⁶ Ka kupkumen suku Naftali: Kedes ka Galilea, Hamon samba Kiryataim.

⁷⁷ Muntogat Merari sita'anai peile polak, masisilo sangamberi desa patunan kele nene pasamba sangamberi su'su simaturuturu ka bebenia: Ka kupkumen suku Zebulon: Rimono samba Tabor.

⁷⁸ Ka kupkumen suku Ruben, ka saigit kabelaiat sulu bagat oinan Jordan ka legret Jerikho: Bezer, ka gaktuk leleu, Jahas,

⁷⁹ Kademot samba Mefaat.

⁸⁰ Ka kupkumen suku Gad: Ramot ka Galilea, Mahanaim,

⁸¹ Hesybon samba Jaezer.