1Taw. 25 - BUKO SIPUNENAN

Sipuurai

¹ Addeat mamsiuteake sangamberi enungan galaiakenen parurukat, Rimata David samba saladdu tai Lewi masipili sangamberi muntogat Lewi kele sia nene: Asaf, Heman samba si Jedutun. Tugalaiake sia addeat masisegeake patonekat sibara ka Taikamanua sialei musik kecapi, gambus samba simabal. Addeat masiuteake parurukat pasamba enungan galaiakenennia sene-senenia, tupili sangamberi regu kele nene:

² Epatda taimanteu togat Asaf: Zakur, Josep, Netanya samba Asarela. Siuteake sia iate si Asaf, sisegeake patonekat sibara ka Taikamanua, ke ikau sia mugalai si rimata.

³ Enemda taimanteu tatogat Jedutun: Gedalya, Zeri, Jasaya, Simei, Hasabya samba Matica. Iuteake sia ukkuira, rasegeake patonekat sibara ka Taikamanua sialei, musik kecapi samba rauraiake urai pasiumun samba pusurakat kai Tuhan.

⁴ Pulu epatda taimanteu tatogat Heman: Bukia, Matanya, Uziel, Sebuel, Jerimot, Hananya, Hanani, Eliata, Gidalti, Romamti-Ezer, Josbekasa, Maloti, Hotir samba Mahaziot.

⁵ Si Heman iate nabit rimata. Si Tuhan masikau puluepatda toga taimanteu nenda samba leu telu toga sinanalep kai Heman kalulut apalelekngan si Tuhan addeat masikau kudduat simaeru katubunia.

⁶ Sangamberi tatogat Heman nenda masinauake musik simbal, kecapi samba gambus ukkuira iuteake sia addeat masileiga enungan galaiakenen parurukat ka uman Tuhan. Si Asaf, si Jedutun samba si Heman masisilo galaiet siripot kasipakolou sibara ka rimata.

⁷ Rua pulu epatda taimanteu togatda nenda samba saeppu sasarainanda iate sangamberi maagai mumusik silepa tugelai. Sangamberitda ai 288 sia.

⁸ Addeat masiuteake patunan pugagalai, sangamberidda masiala pauktungan sia sibau tubu kisedda leu et sikebbukat, sia simaturere mugalai kisedda leu et sitadda simaruei masigelai. Ka 288 sia nenda turubei ka bagat 24 mungkuat siripot senen sikaumanda. Senen mungkuat igitda pularua sia sara siuteake sia. Nene te patunan oninda siripot pauktungan.

⁹ Sikasara si Josep sibara ka sikauman Asaf, sikarua si Gedalya,

¹⁰ sikatelu si Zakur,

¹¹ sikaepat si Jizri,

¹² sikalima si Netanya,

¹³ sikaenen si Bukia,

¹⁴ sikapitu si Jesarela,

¹⁵ sikabalu si Jesaya,

¹⁶ sikasiba si Matanya,

¹⁷ sipulu si Simei,

¹⁸ sikapulusara si Azareel,

¹⁹ sikapulurua si Hasabya,

²⁰ sikapulutelu si Subael,

²¹ sikapuluepat si Matica,

²² sikapululima si Jeremot,

²³ sikapuluenem si Hananya,

²⁴ sikapulupitu si Josbekasa,

²⁵ sikapulubalu si Hanani,

²⁶ sikapulusiba si Maloti,

²⁷ sikaruapulu si Eliata,

²⁸ sikaruapulusara si Hotir,

²⁹ sikaruapulurua si Gidalti,

³⁰ sikaruapulutelu si Mahaziot,

³¹ sikaruapuluepat si Romamti-Ezer.