1Taw. 24 - BUKO SIPUNENAN

Galaiakenen sikau katubutda tai imam

¹ Si Aron ai epat togania taimanteu: si Nadab, Abihu, Eleazar samba si Itamar.

² Si Nadab samba si Abihu amatei siboiki sibara ka ukkuira ta anai togatda. Kalulut nenda si Eleazar samba si Itamar sarainanda ibailiu imam.

³ Si David masirubei sapunuteteu Aron kabagat mungkuat siripot galajetda. Kagalajet pasimungkuake nenda si David iropakenia si Zadok punuteteu Eleazar samba si Ahimelekh punuteteu Itamar.

⁴ Sapunuteteu Itamar turubei ibailiu balu ngamungkuat, oto ka sia sapunuteteu Eleazar ibailiu pulu enem ngamungkuat, aipoi kabagat punuteteu Eleazar ai makaigi taimanteu utet keluarga.

⁵ Kalulut sibara ka sapunuteteu Elezar kisedda leu et ka sapunuteteu Itamar, ai sipugagalai pupasikelanan Uman Tuhan samba sautet arat, iageti parubeiat galajet tugalaiake pauktuk.

⁶ Sapunuteteu Eleazar samba sapunuteteu Itamar sipatutut masiala pauktuk, lepa sangamberi oninda isuratnia sara sipanunurat sipuoni Semaya togat Netaneel tai Lewi. Sangamberinia nenda tugalaiake ka matat rimata pasamba sipugagalainia, imam Zadok, Ahimelekh togat Abyatar samba leu sautet uman rubeiat imam samba sautet uman rubeiat Lewi. Nene te' patuanan galajet sibara ka pauktungan addeat sirua pulu epat mungkuat nenda:

⁷ sikasara Joyarib samba, sikarua Jedaya,

⁸ sikatelu Harim samba sikaepat Seorim,

⁹ sikalima Malkia samba sikaenem Miyamin,

¹⁰ sikapitu Hakos samba sikabalu Abia,

¹¹ sikasiba Jesua samba sikapulu Skhanya,

¹² sikapulusara Elyasib samba sikapulurua Jakim,

¹³ sikapulutelu Hupa samba sikapuluepat Jesebeab,

¹⁴ sikapululima Bilga samba sikapulu enem Imer,

¹⁵ sikapulupitu Hezir samba sikapulubalu Hapizes,

¹⁶ sikapulusiba Petahya samba sikaruapulu Jehezkiel,

¹⁷ sikaruapulusara Hezir samba sikapulurua Gamul,

¹⁸ sikaruapulutelu Delaya samba sikaruapuluepat.

¹⁹ Sangamberi oni nenda tusuratake siripot rubeiat addeat mamsiguruki Uman Tuhan samba masigalaiake galajet parurukat siteuakenennia si Aron, taikebbukatda, siripot sangamberi parentat Tuhan, Taikamanuan Israel. Nenda sabagei kapaninikat Lewi addeakenen sautet sikauma sipatutut nene:

Surat oninda tai Lewi

²⁰ Jehdeya, paninikat Amram sibara ka tiboi tubu paninikat Subael,

²¹ Jisia, paninikat Rehabya,

²² Jahat, paninikat Jizhar sibara ka tiboi tubu paninikat Salomo,

²³ Jeria, Amarya, Jahaziel samba Jekameam tatogat Hebron masitut patunan ruratda,

²⁴ Samir, paninikat Uziel sibara ka tiboi tubu paninikat Mikha,

²⁵ Zakharia, paninikat Uziel sibara ka tiboi tubu paninikat Jisia sarainan Mikha,

²⁶ Mahli, Musi samba Jaazia, paninikat Merari.

²⁷ Si Jaazia ai telu togania taimanteu: si Syoham, Zakur samba si Hibri.

²⁸ Si Mahli ai rua togania taimanteu sipuoni si Eleazar samba si Kish. Si Eleazar ta anai togania taimanteu,

²⁹ tapoi siu Kish ai sara togania simanteu sipuoni Jerameel.

³⁰ Togania taimanteu si Musi ai telu sia: si Mahli, si Eder samba si Jerimot. Nenda te sangamberi sikauma kabagat suku Lewi.

³¹ Addeat patunan pugagalaira, senen utet sikauma simakere sara baginia simanteu masiala pauktungan kele sigalaiakenen saeppu sasarainanda, iate tai imam paninikat Aron. Pasiaala pauktungan ilelekakenia rimata David pasamba si Zadok, Ahimelekh samba leu sautet sikauma sibara ka rubeiat imam tai Lewi.