1Mos. 5 - BUKO SIPUNENAN

Muntogat Adam

¹ Nene te surat muntogat Adam. Kateteret Taikamanua aigalai sirimanua, bailuakenangan sia Taikamanua kele tubuNia.

² Igalai le sia simanteu samba sinanalep. Isukatnake sia samba oniakenangan sia “Sirimanua”.

³ Keteteret si Adam ainia sangotu telupulu ngarura, bara togania simanteu simakere tubunia, iageti kaunangan oninia Set.

⁴ Lepa nenda si Adam murimanua peile ujunia balungotu ngarura minca samba bara tatoga bagei.

⁵ Aitata' si Adam kateteret ainia sibangotu telupulu ngarura.

⁶ Kateteret ai si Set sangotulima ngarura, bara togania simanteu, oninia si Enos.

⁷ Lepa nenda si Set murimanua peile ujunia balungotu pitu ngarura minca samba bara tatoga bagei.

⁸ Aitata' si Set kateteret ainia sibangotupulurua ngarura.

⁹ Kateteret si Enos ainia sibapulu ngarura, bara togania simanteu, oninia si Kenan.

¹⁰ Lepa nenda si Enos murimanua peilenia ujunia balungotu pululima ngarura minca samba bara tatoga bagei.

¹¹ Aitata' ainia sibangotulima ngarura.

¹² Kateteret si Kenan ainia pitupulu ngarura, bara togania simanteu, oninia Mahalaleel.

¹³ Si kenan aipeile murimanua ujunia balungotu epatpulu ngarura minca samba bara tatoga bagei.

¹⁴ Aitata' ainia sibangotupulu ngarura.

¹⁵ Kateteret si Mahalaleel ainia enem pululima ngarura, bara togania simanteu, oninia Jared.

¹⁶ Lepa nenda Mahalaleel murimanua peilenia ujunia balungotu telupulu ngarura minca samba bara tatoga bagei.

¹⁷ Aitata' ainia balungotu sibapululima ngarura.

¹⁸ Kateteret ai si Jared sangotu enempulurua ngarura, bara togania simanteu, oninia si Henokh.

¹⁹ Lepa nenda si Jared murimanua peilenia ujunia balungotu ngarura minca samba bara tatoga bagei.

²⁰ Aitata' ainia sibangotu enem pulurua ngarura.

²¹ Kateteret ai si Henokh enem pululima ngarura, bara togania simanteu, ononia Metusalah.

²² Lepa nenda si Henokh murimanua kabagat pusaraat pasamba Taikamanua ujunia telungotu ngarura. Bara togania bagei

²³ samba iaili telungotu enempululima ngaruraa.

²⁴ Kalulut si Henokh mariuriu ipusara murimanua pasamba Taikamanua, mapepenangan kalulut aialania Taikamanua.

²⁵ Kateteret si Metusalah ainia sangotu balu pulu pitu ngarura, bara togania simanteu, oninia Lamekh.

²⁶ Lepa nenda si Metusalah murimanua peilenia ujunia pitungotu balupulurua ngarura.

²⁷ Aitata' ainia sibangotu enem pulusiba ngarura.

²⁸ Kateteret si Lamekh ainia sangotu balupulurua ngarura, bara togania simanteu.

²⁹ Kuanangan si Lamekh, “Toga nene geti iake le attinang kateteret tapugalai simasane masipasikeli polak sitelei Tuhan.” Lulut nenda oniakenangan toga nenda Noak.

³⁰ Lepa nenda si Lamekh murimanua peilenia limangotu sibapululima ngarura minca. Bara tatogania bagei,

³¹ samba langonangannia ainia pitungotu pitupulupitu ngarura.

³² Katetere ai si Noak limangotu ngarura, bara togania telu taimanteu, iate si Sem, Jafet samba Ham.