1Mos. 36 - BUKO SIPUNENAN

Muntogat Esau

¹ Nene te punuteteu Esau kuanen leuet Edom.

² Si Esau mutalimou pasamba telu tainanalep tai Kanaan, iate: Ada, togat Elon tai Het; Oholibama, togat Ana samba punuteteu Zibeon tai Hewi,

³ Basmat, togat Ismael samba bagit Nebayot.

⁴ Ada masitu'tu'ake matat Elifas, Basmat masitu'tu'ake matat Rehuel,

⁵ samba Oholibama masitu'tu'ake matat Jeus, Jaelama samba Korah. Sangamberi toga nenda mutu'tu' mata ka laggai Kanaan.

⁶ Lepa geti tuitui si Esau kaddiuakenangan si Jakob ei nia ka laggai bagei ambitnangan sangamberi sinanalepnia, tatogania samba sangamberi sirimanua ka lalepnia, pasamba sangamberi tarimeu samba paukayoat sinesenia ka Kanaan.

⁷ Si Esau pasara kai Jakob kalulut makope poi igi pukayoatra pat taioinangan rapurimanua simakere. Sara pei laggai kudduatdra nenda ta'iaili komen tarimeura kalulut iginia.

⁸ Iageti si Esau leu oniakenen Edom, mukuddu ka leleu Seir.

⁹ Nene punuteteu Esau taikebbukadda tai Edom.

¹⁰ Onin tatogania iate, Elifas, togat Ada sinanalep Esau; Rehuel, togat Basmat sinanalep Esau.

¹¹ Tatogat Elifas iate, T'eman, Omar, Zefo, Gaetem samba Kenas.

¹² Si Timna iate sinanalepnia kabebe si Elifas; tutuakenangan matat Amalek rubeiat Elifas. Nenda te punuteteu Ada sinanalep Esau.

¹³ Nene te' tatogat Rehuel: Nahat, Zerah, Syama samba Miza. Nenda te' punuteteu Basmat sinanalep Esau.

¹⁴ Sinanalep Esau sipuoni si Oholibama, iate togat Ana samba punuteteu Zibeon, masitutuake mata telu tatoga simanteu iate Jesu, Jaelam samba Korah.

¹⁵ Nene te sikebbukat suku muntogat Esau; Elifas, togat Esau sikebbukat iate taikebbukat uma nene: Téman, Omar, Zefo, Kenas,

¹⁶ Korah, Gaetam samba Amalek. Sangamberidra punuteteu Ada sinanalep Esau.

¹⁷ Si Rehuel, togat Esau iate taikebbukat suku nene: Nahat, Zerah, Syama samba Miza. Sangamberidra punuteteu Basmat, sinanalep Esau.

¹⁸ Sangamberi suku nene iate punuteteu Esau sibara kasinanalepnia sipuoni Oholibama togat Ana, iate: Jeus, Jaelam samba Korah.

¹⁹ Sangamberi suku nenda punuteteu Esau.

Muntogat Seir

²⁰ Nene te tatogat Seir, tai Hori, sipulaggai ka laggai nenda: Lotan, Syobal, Zibeon, Ana,

²¹ Disyon, Ezer, Disyan; nenda te utet muntogatda tai Hori, tatogat Seir, ka laggai Edom.

²² Tatogat Lotan iate si Hori samba Herman, samba sarainan Lotan sinanalep iate Timna.

²³ Nene te tatogat Syobal: Alwan, Manahat, Ebal, Syefo samba Onam.

²⁴ Ai rua tatogat Zibeon iate: si Aya samba si Ana. (Si Ana nene te amasisese bubuakat oinan simaoloi ka su'su', kateteret ai jajago kalidei ukkuinia).

²⁵ Nene te tatogat Anan: Disyon samba Oholibama togat Ana sinanalep.

²⁶ Nene te tatogat Disyon: Hemdan, Esyban, Jetran samba Keran.

²⁷ Nene te tatogat Ezer: Bilhan, Zaawan samba Akan.

²⁸ Nene te tatogat Disyan: Us samba Aran.

²⁹ Nenda te saute' muntogat Hori: Utet muntogat Lotan, utet muntogat Syobal, utet Zibeon, utet muntogat Ana,

³⁰ utet muntogat Disyon, utet muntogat Ezer samba utet muntogat Disyan; nenda te sautet muntogat Hori, muntogat ka muntogat, ka laggai Seir.

Tai rimatat Edom

³¹ Kepei bara rimata sipupaparenta ka Israel, tai rimata nene muparenta ka laggai Edom sipurereddenan:

³² si Bela togat Beor sibara ka Dinhaba.

³³ Jobab togat Zera'sibara ka Bozra.

³⁴ Husyam sibara ka laggai Téman.

³⁵ Hadad togat Bedad sibara ka Awit (nia te amasikalaake tai Median ka pasaggangan ka laggai Moab).

³⁶ Samla siabara ka Masreka.

³⁷ Saul sibara ka Rehobot ka bebet bagat oinan.

³⁸ Baal-Hanan togat Akhbor.

³⁹ Hadar sibara ka Pahu (sinanalepnia sipuoni Mehetabeel, togat Matred samba punuteteu Mezahab).

⁴⁰ Si Esau iate taikebbukat suku Edom nene: Timna, Alwa, Jetet,

⁴¹ Oholibama, Elha, Pinon,

⁴² Kenas, T'eman, Mibzar,

⁴³ Magdiel samba Iram. Senen suku masikau oninia kakupkumen kudduatnia.