Yoswa 12 - Mawu a Mulluku

Mamwene yagonjihiwe ni Mose

¹ Vano alla tti mamwene ayo Aisraele yaagonjihalliiwa ewaakha ellapo ya wookhuma nndduwa wa Yordani waambeella o ntapo na Arinoni mu ntapo na Yordani, ophiya o mwaango wa Heremoni ni embali ettheene ya wookhuma nndduwa wa Araba,

² Sihoni mwene a Aamori ookhalla o Heshiboni oolamulella waambeella o Aroere, muzinda oyo waari museresere mwa ntapo na Arinoni va ntapo ni Giliyadi ookawaneya variyari ophiya o muhinje wa Yaboki omalireni wa ellapo ya Aamoni.

³ Ellapweeyo yapwesererattho ntapo na Yordani, waambeella wookhuma nndduwa wa enyanja ya Galileya* oyeella o Beteyeshimoti, muzinda oyo ori vakhuviru ni Enyanja Yookhwa, ophiyera omwera vatthi va mwaango wa Pisiga.

⁴ Aisraele yaamugonjihattho Ogi mwene a o Bashani oyo aari mmodda a oohalla a Arefaimu. Olliye akhalla o Ashitaroti ni o Ederei.

⁵ Omwenaaye waaphiya o mwaango wa Heremoni ni o Saleka ni o Bashani otthewene, ophiyera omalireni wa Ageshuri ni a Amaakati vamodda ni hafu a Giliyadi ophiya o ellapo ya Sihoni, mwene a o Heshiboni

⁶ Mose ni Aisraele yahaagonjiha attheenaayo nave Mose oorumeyella a Apwiya aavelleella ellapweeyo wa nlloko na Rubeni ni na Gadi navettho wa hafu a nlloko na Manase wi ekhalle yoohallaniiwa.

Mamwene yagonjihiwe ni Yoswa

⁷ Vano alla tti mamwene ayo Yoswa ni Aisraele yaagonjihalliiwa ewaakha ellapo woovollowa nndduwa wa muhinje wa Yordani waambeella o Baala Gadi mu ntapo na Lebanoni ophiya o mwaango wa Halaki oyeella o Seiri. Yoswa ahaakawella malloko a Aisraele ellapo yeeyo wi ekhalle yoohallaniiwa.

⁸ Ellapo yeeyo yaari yamiyaango, yamatapo, yeechipululu navettho ellapo yawumma yoomwera. Ellapo yeella tti eyo mwakhalla Ahiti, Aamori, Akanani, Aperezi, Ahivi ni Ayebusi.

⁹ Mamwene ayo yagonjihiwe tti a o Yeriko, a o Ai vakhuviru ni Betele,

¹⁰ a o Yerusalemu, a o Hebroni,

¹¹ a o Yaramuti, a o Lakishi,

¹² a o Egiloni, a o Gezere,

¹³ a o Debiri, a o Gederi,

¹⁴ a o Horoma, a o Aradi,

¹⁵ a o Libina, a o Adulamu,

¹⁶ a o Makeda, a o Betele,

¹⁷ a o Tapuwa, a o Hefere,

¹⁸ a o Afeki, a o Lasharoni,

¹⁹ a o Madoni, a o Hazori,

²⁰ a o Shimironi Meroni, a o Akishafu,

²¹ a o Taanaki, a o Megido,

²² a o Kedeshi, a o Yokoneyamu (mu Karimele),

²³ a o Dori (mukhwipi mwa enyanja), a o Goimu (mu Galileya)

²⁴ ni a o Tiriza. Mamwene mattheene yaarivo 31.