Yobu 5 - Mawu a Mulluku

¹ We Yobu, ithana vano. Ethiyo ookhallavo oyo anaawaakhulle? Ethiyo tti mungelo oovi anuukavihere?

² Ddawoona, osha murima onnawiipha oolloddowa, nrima ninnawoononga athu ookarangeya.

³ Miyaano koomoona muthu ookarangeya amenlle misisi, koma vaavo kaatembelela nipuro naye.

⁴ Anaaye khenna echitetezo, enakhallella okhwana millatu, khaavo owaavullusa.

⁵ Athu attalla ennamuchella ddoohata ddaye, ennamwaakha ni dda vamiiwani vene, athu anthona ennaseremella eyuumaaye.

⁶ Vawi ddookatamiha kheddinavenyera munthupini, apaalle ddoohoosa kheddinavenyera muthayani.

⁷ Koma ddawoona, muthu anayarelliwa ohoowa, wonanko munllo wonthamuwa.

⁸ Kaariki mi, kaaweromwiithana Mulluku, kaawerovelleella mullatwaaka wa olliye.

⁹ Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

¹⁰ Annamurupiha murimu veellaponi, annarumiha maaddi m'matani.

¹¹ Annaawelliha athu awiiyeviha, annaahakallalliha anaminlla.

¹² Annavirikaniha echiwembu dda oowaraalla wi ddoopaalla ddiwa ddihiphure ello.

¹³ Annaamaka atambwali ni musampha wa owaraalla wiwa, annakukureyiha mwawaakuva ddoolinga ddiwa.

¹⁴ Nndduwa noopaka ennakumana ni epiphi, ennaapapella otthaana wonanko mahiiyu.

¹⁵ Koma Mulluku annawaakiha oohoowa o nsupada na adaniiwa, annaavullusa o nnatta niwa namasiva.

¹⁶ Sika annaavaha etiyerello oohoowa, annawalla eyano ya oonanara.

¹⁷ Oodala tti muthu oyo Mulluku anamuhumullulla. Sika ohivevulle aawuullakaka Amasiva Mattheene.

¹⁸ Vawi annaphoriiha navettho annamaka makhwata. Annuukutha navettho mattaaye ennachiriha.

¹⁹ Erive enthawi eneerewuuvullusa o ddoohoosa, ddaateve mwawiidde, khotikheya.

²⁰ Va enthawi ya ettalla aneerewuupwatha, va enthawi ya ekhoto eneerewuuvullusa.

²¹ Aneerowaakihera wa athu ootetheella, voophiyani woononga khewoova.

²² Va enthawi yawoononga ni ettalla oneerottheya, enama ddamuhakani khoddoova.

²³ Emata ddawo kheddikhalla ni malluku, enama ddamuhakani khedduukatamiha.

²⁴ Enyumbaawo eneeroddalla ni murendelle, eziweto ddawo kheddirimeella.

²⁵ Anaawo enaakhalle ddinchichi, edduullu ddawo ddinaate wonanko manasi.

²⁶ Onaavollowe mu mahame wuulluvallesese, wonanko tirigu oohatiwa va enthawaaye.

²⁷ Ngoona Yobu, noomolleella phaama ddittheddenenndda. Tti ddawoona, sika iwellella ni oddithwara.