Yobu 23 - Mawu a Mulluku

Yobu

¹ Vano Yobu ahaakhulla wi,

² “Ollellottho kinnakhupanya moomuvoriiha murima Mulluku, naari kiipullellaka annavirellellave okillaka.

³ Ha, kadduwenlleke nipuro kinamphwanyeemi, keerophiya nko anakhalleeyewo.

⁴ Keerollota mullatwaaka vamiitthoni vaye, keerotthopoolla mawu awiitetezella.

⁵ Keerodduwella nnddo aakaakhulleeye, keerewiiwesesa nnddo aakilleelleeye.

⁶ Ethiyo eerollipana ni miyaano ni masivaaye mattheene? Iyaayi, eerewiiwesesa mawaaka.

⁷ Wenko muthu oohilakwa eerollota ni olliye, ookeeruzaaka khawa akiphwanyattho ni mullatu.

⁸ Ngoonani, kaya vahoollo, Mulluku khaavo. Kahokollweella mutulli, nginamoonamo.

⁹ Akhalla wuunyotthoni nginamoona, arukunuwella onnattanatta nginamphwanyattho.

¹⁰ Koma annadduwella meetellwaaka, kineerokhalla wonanko golide akeesa.

¹¹ Koowanddeellella othwara manyallwaaye, koopharesesa oohihiya ettillaaye.

¹² Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

¹³ Koma olliye tti oohisintheya, khaavo anaawore omurukunusa, anneera ddoopaalla murimaaye.

¹⁴ Aneerokwakhwaniha nnddo akiganizereeye, ddittheddenenndda ddiri m'murimani mwaye.

¹⁵ Sika kinnoova vamiitthoni vaye, kaamuganizeraka kinnatthukumella wunchichi.

¹⁶ Mulluku ookifookiha, Amasiva Mattheene ookoopiha.

¹⁷ Koma epipheeyo khekimanke vayanoni, naari epiphi yoottikaneeyo ekihuruwenlle.”