Yobu 20 - Mawu a Mulluku

Zofari

¹ Vano Zofari Munaama aallota wi,

² “We Yobu, wookivoriiha murima, sika ekaambiiwa kinathamakelleemi waakhulla.

³ Kinniiwa mawu ookihumullulla ni ookivevulla koma koodduwella khalle mmo kinaakhullelleemi.

⁴ Ethiyo khonadduwella ddaweereya mallapo akhalle, ovenyera enthawi eyo muthu aphatusiweeye veellaponi?

⁵ Ethiyo khonadduwella wi ohakallalla wa oonanara khonallekella, othapella wa oohimoova Mulluku tti wa enthawi yooyeva?

⁶ Naari arekameve, attannyakeve oddullu, eyuumaaye ewelleve ophiyera omiraponi,

⁷ aneeronaanella wonanko eneerella manyowa. Ayo yamoona eneerekokoha wi, ‘Ethiyo nesoolle ari wuuwi?’

⁸ Aneerotiwalleya wonanko olloha, oohiphwanyeyattho, aneerewiikarihiwa wonanko masomphenya a mahiiyu.

⁹ Niittho nno namoonille khaniwa nimoonattho, khawa aphwanyeyattho owaniwa.

¹⁰ Anaaye eneerewaaveka oohoowa wi yaakhululukelle, eneerohokollosa nnddo aakhilleeye.

¹¹ Makhuvaaye aaddalla ni masiva eesombwe, koma aneeromallella nimodda munthupini.

¹² Yoonanara ennanang'aneya muwano mwaye, annayivittha vatthi va nllumi naye.

¹³ Khanapaalla ohiya oyuurama, annayisungave muwano mwaye.

¹⁴ Koma ayimirya ennavollowa m'mirimani mwaye, ennatthattuwa nttipwi na evilli muwari mwaye.

¹⁵ Eyuuma anayimiryeeye annayirapheya, Mulluku annayikhumiha m'mirimani mwaye.

¹⁶ Annaamwa nttipwi na namarawe, ovoreya wa enoweeyo oneeromwiipha.

¹⁷ Khawa oona mihinje dda makhura a olivi, apaalle asimihinje ddaweeta mukaka ni enwi.

¹⁸ Aneerohokollosa ezipaso dda osenda miino waye, khachella eyuumaaye, khahakallalla naviikho a malondaaye.

¹⁹ Vawi ahaahoosa nave khaapwathille oohoowa, ahaakha enyumba nnddo ahimakilleeye.

²⁰ Ekaamba yawi aavirellella ottutthuwa, khawora osunga erive ello enamuddivella.

²¹ Erive ello ariiyena annayicha, sika eyuumaaye khekonella.

²² Naari ari eeyuuma aneerohoowa, otulli wawoopiha oneerommorella.

²³ Va enthawi yawi avone ni wiichella, Mulluku aneerommorihella owalli wawoopiha, yoochaaye enaakhalle osha murima wa Mulluku.

²⁴ Athawa nsupada namukoko, anaahomiwe ni mpaamba wamukuwa.

²⁵ Mpambooyo awukhumihalle m'mwiillini mwaye avenyihallevo etthokiiwa yoonyezimella yoohoma wamwaaye, olliye aneerewoova wunchichi.

²⁶ Eyuumaaye yoomiryiwa mu epiphi yoottikana, olliye ni ddoohalla mu enyumbaaye, munllo wawiikhariha weekhiiwa oneerewaashellelliha.

²⁷ Ddooddullu ddineerowulula ddoolakwa ddaye, dda vatthimva ddineeromuwukila.

²⁸ Dda mpa mwaye ddittheddene ddineerovenyihiwa, ddineeropurulliwa va nllapo na osha murima wa Mulluku.

²⁹ Olla sika otulli onammorella muthu oochimwa, yoohallana ya wa Mulluku.”