Yesaya 12 - Mawu a Mulluku

Nchipo noothokoza

¹ Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

² Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

³ Muneerohakallalla vooyaani woorika maaddi o aneetuutu a ovullusa.”

⁴ Nllapo nenno muneerollota wi, “Athokozeni Apwiya, titimihani nnddina niwa. Mullalleye mitteko ddaye variyari va mitundu dda athu, muvuwihe wi nnddina niwa tti noopambana.

⁵ Wiipelleni Apwiya machipo antitimiho vawi aheera dduullupalli, adduwelliheni va ellapo yavatthi ettheene.

⁶ Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”