Yeremiya 47 - Mawu a Mulluku

Ollakiwa wa Afilisti

¹ Alla sika mawu a Apwiya yawiille wi yallotilliiwa ni namallotella Yeremiya, dda Afilisti, Farao ahinamoononge Gaza.

² “Ngoonani mmo maaddi enakitthelliiwa ovenyera ompoto, enaakhalle muhinje woosefukella ni woonyakulla. Eneerosefukella mwiillaponi, eneeropwiniha ddittheddene ddookhalla mwemmo, mizinda ddittheddene ni athu attheene ookhallamo. Athu eneerokhuwa, attheene a mwiillaponimmo eneerewinlla.

³ Eneerewiiwa mukhito wa akavalo oothamaka, eneerewiiwa onyakulla wa magareta ni winlla wa magudumu. Makhollo kheyaapwatha aniiwa, eneerorama yaweera.

⁴ Nllapo nineerophiya, nno vinoonongeye Afilisti attheene, nllapo viniiphiwe oohalla attheene ayo enaakavihere mizinda wa Tiro ni Sidoni. Vawi Apwiya eneerowoononga Afilisti, attheene oohalla o echilumba ya Krete.

⁵ A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

⁶ Munallota wi, ‘Ha, Apwiya aatukhulla nsupada! Nihokolloselleni munthumbani mwiwa, nikhalle mwemmo, niithuuwe.’

⁷ Koma ethiyo nsupadanno niniithuuwe mwawiidde vawi Apwiya aaninnya mutteko wi niphare? Yooniruma wi nallipane ni Ashikeloni wi naahelle ekhoto athu a mukhwipi mwa enyanja.”