Yeremiya 45 - Mawu a Mulluku

Apwiya enamulonjeza Baruki

¹ M'muyakha waneesese wa omwene wa Yehoyakimu mwaana a Yosiya mwene a o Yuda, namallotella Yeremiya aamulamula Baruki wi aalembe mawu allotilleeye. Sika aamulleella wi

² Apwiya Mulluku a Israele, eni, “We Baruki,

³ onallota wi, ‘Kookhalla ni otulli vawi Apwiya aakoonjerera ethakaraka va ddoohoosa ddaka ddittheddene. Kootopa ni wiipullella, nginoona vawiithuuwellavo!’ ”

⁴ Apwiya aakilleella wi killote wa weyaano wi, “Eyo kamakilleemi, kinimayikumulla nave eyo kaallilleemi, kinimayitulla. Mmu sika kineerelleemi ni ellapo yavatthi ettheene.

⁵ Ethiyo onnaddaashera ddaphaama? Oheereke ddiiddo. Kineerewaamorihella otulli athu attheene ddoonanara koma weyaano kineerovittha okumaawo orive weko oneeriiwa oyeewo. Mi Apwiya koollota.”