Numeri 7 - Mawu a Mulluku

Ddoovelleella dda owaahoollella a Aisraele

¹ Va nllapo nno Mose amallihalleeye omakiha musasa wamutthukumano, awuzoza nave awupatula ni ezipangizo ddiwa. Aazozattho nikuwa nave aanipatulella nimodda ni ezipangizo.

² Nllapo nenno oohoollella a Aisraele, sika wi oohoollella a mabanja ni malloko ayo yawehera weerenga wulle,

³ yaakusa ddoovelleella ddiwa ewaana vamiitthoni va Apwiya. Yaavelleella magareta ookhuneelliwa dditthanu ni emodda navettho eng'ombe khumi ni piilli, oohoollella eelli nigareta nimodda nave arive oohoollella eng'ombe emodda vamiitthoni va musasa wamutthukumano.

⁴ Vano Apwiya yaamulleella Mose wi,

⁵ “Waakhelle ddenndda wa athwaayo wi ddikavihere voorumeyellani musasa wamutthukumano. Ddennddo owinnye Alevi, arive muthu ddoophwanella muttekwaaye.”

⁶ Sika Mose aakusa magareta ni eng'ombenndde awinnya Alevi.

⁷ Agereshoni aawinnya magareta meelli ni eng'ombe ddisese moollikana ni mitteko ddiwa.

⁸ Amerari aawinnya magareta masese ni eng'ombe dditthanu ni ddiraru moollikana ni mitteko ddiwa. Oowehera mutteko wa a Agereshoni ni a Amerari aari Itamara, mwaana a Aroni.

⁹ Koma Akohati khaawaavahille ello kaambiiwa alliwa yaakhalla ni mutteko woopwatha ddeko ddoopatuleya nnddo yatukhulliiwa vanthurini.

¹⁰ Vatulli viwa, va nllapo noozoza nikuwa oohoollella yaawa ni ddoovelleella ddimodda nave yaaphiyana ddoovelleellannddo vahoollo va nikuwa.

¹¹ Apwiya yaamulleella Mose wi, “Oohoollellaayo eweeke ni ddoovelleella ddiwa ddoopatulella nikuwa, oohoollella mmodda vanllaponi.”

¹² Nashoni mwaana a Aminadabu, a nlloko na Yuda aavelleella ddoovelleella ddaye nllapo nawaamba.

¹³ Avelleellille embale emodda ya siliva yoollemella nikilogaramu nimodda ni hafu, mwanambale mmodda a siliva oollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

¹⁴ Aavelleellattho muchecho mmodda wa golide woollemella magaramu 110, wooddalla ni lubani.*

¹⁵ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

¹⁶ Aavelleellattho nankhoro a epuri emodda wi okhalle mukutho woopepesella machimo.

¹⁷ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Nashoni, mwaana a Aminadabu.

¹⁸ Netanele, mwaana a Zuwara, a nlloko na Isakara aavelleella ddoovelleella ddaye nllapo naneepiilli.

¹⁹ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

²⁰ Aavelleellattho muchecho mmodda wa golide woollemella magaramu 110, wooddalla ni lubani.

²¹ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

²² Aavelleellattho nankhoro a epuri emodda wi okhalle mukutho woopepesella machimo.

²³ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Netanele, mwaana a Zuwara.

²⁴ Eliyabu, mwaana a Heloni, a nlloko na Zebuloni aavelleella ddoovelleella ddaye nllapo naneeraru.

²⁵ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

²⁶ Aavelleellattho muchecho mmodda wa golide woollemella magaramu 110, wooddalla ni lubani.

²⁷ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

²⁸ Aavelleellattho nankhoro a epuri emodda wi okhalle mukutho woopepesella machimo.

²⁹ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Eliyabu, mwaana a Heloni.

³⁰ Elizuri, mwaana a Sedeuri, a nlloko na Rubeni aavelleella ddoovelleella ddaye nllapo naneesese.

³¹ Avelleellille embale emodda ya siliva yoollemella nikilogaramu nimodda ni hafu, mwanambale mmodda a siliva oollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

³² Aavelleellattho muchecho mmodda wa golide woollemella magaramu 110, wooddalla ni lubani.

³³ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

³⁴ Aavelleellattho nankhoro a epuri emodda wi okhalle mukutho woopepesella machimo.

³⁵ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Elizuri, mwaana a Sedeuri.

³⁶ Selumiele, mwaana a Zurishadai, a nlloko na Simeoni aavelleella ddoovelleella ddaye nllapo naneetthanu.

³⁷ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

³⁸ Aavelleellattho muchecho mmodda wa golide woollemella magaramu 110, wooddalla ni lubani.

³⁹ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁴⁰ Aavelleellattho nankhoro a epuri emodda wi okhalle mukutho woopepesella machimo.

⁴¹ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Selumiele, mwaana a Zurishadai.

⁴² Eliyasafu, mwaana a Deuwele, a nlloko na Gadi aavelleella ddoovelleella ddaye nllapo naneetthanu ni nimodda.

⁴³ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁴⁴ Aavelleellattho muchecho mmodda wa golide woollemella magaramu 110, wooddalla ni lubani.

⁴⁵ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁴⁶ Aavelleellattho nankhoro a epuri emodda wi okhalle mukutho woopepesella machimo.

⁴⁷ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Eliyasafu, mwaana a Deuwele.

⁴⁸ Elishama, mwaana a Amihudi, a nlloko na Efuremu aavelleella ddoovelleella ddaye nllapo naneetthanu ni piilli.

⁴⁹ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁵⁰ Aavelleellattho muchecho mmodda wa golide woollemella magaramu 110, wooddalla ni lubani.

⁵¹ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁵² Aavelleellattho nankhoro a epuri emodda wi okhalle mukutho woopepesella machimo.

⁵³ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Elishama, mwaana a Amihudi.

⁵⁴ Gamaliele, mwaana a Pedazuri, a nlloko na Manase aavelleella ddoovelleella ddaye nllapo naneetthanu ni raru.

⁵⁵ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁵⁶ Aavelleellattho muchecho mmodda wa golide woollemella magaramu 110, wooddalla ni lubani.

⁵⁷ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁵⁸ Aavelleellattho nankhoro a epuri emodda wi okhalle mukutho woopepesella machimo.

⁵⁹ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Gamaliele, mwaana a Pedazuri.

⁶⁰ Abidani, mwaana a Gideoni, a nlloko na Benjamini aavelleella ddoovelleella ddaye nllapo naneetthanu ni sese.

⁶¹ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁶² Aavelleellattho muchecho mmodda wa golide woollemella magaramu 110, wooddalla ni lubani.

⁶³ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁶⁴ Aavelleellattho nankhoro a epuri emodda wi okhalle mukutho woopepesella machimo.

⁶⁵ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Abidani mwaana a Gideoni.

⁶⁶ Ahiyezere, mwaana a Amishadai, a nlloko na Dani aavelleella ddoovelleella ddaye nllapo naneekhumi.

⁶⁷ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁶⁸ Aavelleellattho muchecho mmodda wa golide woollemella magaramu 110, wooddalla ni lubani.

⁶⁹ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁷⁰ Aavelleellattho nankhoro a epuri emodda wi okhalle mukutho woopepesella machimo.

⁷¹ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Ahiyezere mwaana a Amishadai.

⁷² Pagiyele, mwaana a Okarani, a nlloko na Asheri aavelleella ddoovelleella ddaye nllapo naneekhumi ni nimodda.

⁷³ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁷⁴ Aavelleellattho muchecho mmodda wa golide woollemella magaramu 110, wooddalla ni lubani.

⁷⁵ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁷⁶ Aavelleellattho nankhoro a epuri emodda wi okhalle mukutho woopepesella machimo.

⁷⁷ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Pagiyele mwaana a Okarani.

⁷⁸ Ahira, mwaana a Enani, a nlloko na Nafutali aavelleella ddoovelleella ddaye nllapo naneetthanu ni piilli.

⁷⁹ Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

⁸⁰ Aavelleellattho muchecho mmodda wa golide woollemella magaramu 110, wooddalla ni lubani.

⁸¹ Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

⁸² Aavelleellattho nankhoro a epuri emodda wi okhalle mukutho woopepesella machimo.

⁸³ Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Ahira, mwaana a Enani.

⁸⁴ Ddoovelleella ddoopatulella nikuwa nnddo oohoollella a Aisraele yavelleelliiwa va nllapo nno nikuwanno nazoziwiiwa ddaari embale ddasiliva khumi ni piilli, michecho ddasiliva khumi ni miilli ni asimbale a golide khumi ni eelli.

⁸⁵ Erive embale yallemella nikilogaramu nimodda ni hafu nave arive mwanambale a golide allemella magaramu 800. Siliva muttheene a ezipangizonnddo allemella vakhuviru makilogaramu 27 ni hafu moollikana ni yoolingella yoopatuleya.

⁸⁶ Michecho khumi ni miilli ddooddalla ni lubani ddallemella magaramu 110 moollikana ni yoolingella yoopatuleya, ddittheddene vamodda ddallemella vakhuviru nikilogaramu nimodda ni hafu.

⁸⁷ Enama ddittheddene ddoovelleelliwa mukutho wooshellelliha ddaari anankhoro a eng'ombe khumi ni piilli, anankhoro a enkhosa khumi ni piilli, anankhoro a anamwani a enkhosa a muyakha mmodda khumi ni eelli ni mukutho wa othu. Navettho enama ddoovelleelliwa mukutho woopepesella machimo ddaari anankhoro a epuri khumi ni piilli.

⁸⁸ Nave enama ddittheddene ddoovelleelliwa mukutho wa eyaattano ddaari anankhoro a eng'ombe 24, anankhoro a enkhosa 60, anankhoro a epuri 60 nave anankhoro a anamwani a enkhosa a muyakha mmodda 60. Ddenndda sika ddoovelleella ddoopatuleya dda nikuwa enizozille.

⁸⁹ Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.