Numeri 2 - Mawu a Mulluku

Mapuro a misasa dda malloko a Aisraele

¹ Apwiya yaamulleella Mose ni Aroni wi,

² “Aisraele yaatthipellaka misasa, arive muthu atthipelleke vakhuviru ni embendelaaye eyo eri ni echizindikiro ya nibanja naye. Etthipelleke moowaapheella musasa wamutthukumano koma moosirekamella.

³ “Enaakhalle wookhuma nndduwa ekhalle ayo eri ni embendela ya misasa dda nlloko na Yuda, milloko milloko. Oohoollella nlloko na Yudanno tti Nashoni, mwaana a Aminadabu,

⁴ nave akhotwiiwa tti 74,600.

⁵ “Ayo enaakhalle vakhuviru ni nlloko na Yuda ekhalle a nlloko na Isakara. Oohoollella nlloko na Isakaranno tti Netanele, mwaana a Zuwara,

⁶ nave akhotwiiwa tti 54,400.

⁷ “Vano nlloko noothwarellella nikhalle na Zebuloni, nno oohoollelliiwa tti Eliyabu, mwaana a Heloni,

⁸ nave akhotwiiwa tti 57,400.

⁹ “Echiwerengero ya athu a omisasani dda Yuda voottakanyiherani milloko mirarunndda tti 186,400. Alliwaalla tti awaamba vootimullani.

¹⁰ “Enaakhalle omwera ekhalle ayo eri ni embendela ya misasa dda nlloko na Rubeni, milloko milloko. Oohoollella a nlloko na Rubeni tti Elizuri, mwaana a Sedeuri,

¹¹ nave akhotwiiwa tti 46,500.

¹² “Ayo enaakhalle vakhuviru ni nlloko na Rubeni ekhalle a nlloko na Simeoni, milloko milloko. Oohoollella nlloko na Simeoni tti Selumiele mwaana a Zurishadai,

¹³ nave akhotwiiwa tti 59,300.

¹⁴ “Vano nlloko noothwarellella nikhalle na Gadi nno oohoollelliiwa tti Eliyasafu, mwaana a Deuele,

¹⁵ nave akhotwiiwa tti 45,650.

¹⁶ “Echiwerengero ya athu a omisasani dda Rubeni voottakanyiherani milloko mirarunndda tti 151,450. Alliwaalla tti mulloko waneepiilli vootimullani.

¹⁷ “Vaavo sika Alevi etimulle etukhullalle musasa wamutthukumano kaambiiwa misasa dda Alevi ddinakhalla variyari va misasa ddimodda. Moollikana ni mmo yatthipellelliiwa misasa ddiwa tti mmo enaaweetellekiiwa, orive mulloko vanipuroni viwa moollikana ni embendeliiwa.

¹⁸ “Enaakhalle woovollowa nndduwa ekhalle ayo eri ni embendela ya misasa dda nlloko na Efuremu milloko milloko. Oohoollella a nlloko na Efuremu tti Elishama, mwaana a Amihudi,

¹⁹ nave akhotwiiwa tti 40,500.

²⁰ “Ayo enaakhalle vakhuviru ni nlloko na Efuremu ekhalle a nlloko na Manase. Oohoollella nlloko na Manase tti Gamaliele, mwaana a Pedazuri,

²¹ nave akhotwiiwa tti 32,200.

²² “Vano nlloko noothwarellella nikhalle na Benjamini nno oohoollelliiwa tti Eliyasafu, mwaana a Deuele tti Abidani mwaana a Gideoni,

²³ nave akhotwiiwa tti 35,400.

²⁴ “Echiwerengero ya athu a omisasani dda Efuremu, voottakanyiherani milloko mirarunndda tti 108,100. Alliwaalla tti mulloko waneepiilli vootimullani.

²⁵ “Enaakhalle ompoto ekhalle ayo eri ni embendela ya misasa dda nlloko na Dani, milloko milloko. Oohoollella a nlloko na Dani tti Ahiyezere, mwaana a Amishadai,

²⁶ nave akhotwiiwa tti 62,700.

²⁷ “Ayo enaakhalle vakhuviru ni nlloko na Dani ekhalle a nlloko na Ashere. Oohoollella nlloko na Dani tti Pageyele, mwaana a Okarani,

²⁸ nave akhotwiiwa tti 41,500.

²⁹ “Vano nlloko noothwarellella nikhalle na Nafutali, nno oohoollelliiwa tti Ahira, mwaana a Enani,

³⁰ nave akhotwiiwa tti 53,400.

³¹ “Echiwerengero ya athu a omisasani dda Dani voottakanyiherani milloko mirarunndda tti 157,600. Alliwaalla tti mulloko wookomihera vootimullani moollikana ni embendela ddiwa.”

³² Yaalla yaari Aisraele ayo yeerengiwe moollikana ni mabanjiiwa. Athu attheene ayo yeerengiwe milloko milloko yaari 603,550.

³³ Koma Alevi kheyaawerengiwe vamodda moollikana ni mmo Apwiya yamulamulelliiwa Mose.

³⁴ Sika Aisraele yaheera moollikana ni mmo Apwiya yamulamulelliiwa Mose. Yaatthipella misasa ddiwa vakhuviru ni embendela ddiwa. Sika yaaneeta arive muthu vanibanjani naye moollikana ni makhollwiiwa.