Nehemiya 7 - Mawu a Mulluku

¹ Vano mpanda wa muzindoolle wamakiwiiwattho, kaamakellellamo machiwi nave yaatthoolliwa alonda a millako dda enyumba ya Mulluku, athu awiipa machipo navettho Alevi.

² Kaamutthoolla mwanamunnaka Hanani ni Hananiya, muullupalli akhoto wi eellaayo elamulelleke Yerusalemu. Hananiya aari muthu oororomelleya ni oomoova Mulluku waakhwaranya athu anchichi.

³ Nave kahaalleella wi, “Ddihihulliwe millako dda Yerusalemu ophiyera nndduwa niwenlle nave ddiwalliwe phaama alonda ootthaana ehinaworowe. Mwaatthoolle alonda variyari va athu ookhalla mu Yerusalemu, arive muthu akhalle vanipuroni vaye apaalle moowehana ni enyumbaaye.”

Athu oohokollowa wuukaporoni

⁴ Muzinda wa Yerusalemu waari wooramballalla navettho muullupalli koma athu yaarimo vang'ono nave enyumba ddaari ddihinamakiwemo.

⁵ Vano Mulluku aakivaha maganizo awi kaatthukumanihe oohoollella, attekweene ni athu attheene wi elembiwe manddina moollikana ni mabanjiiwa. Nave kaaphwanya nibukhu mmo mwalembiwe manddina a mabanja a athu ayo yaari awaamba ohokollowa wuukaporoni.

⁶ Nna tti ntthopoollo na manddina a athu a mu echigawo ya Yuda ayo yahokollowille wuukaporoni ayo Nebukadinezara, mwene a o Babiloni, aapharilleeye ayaana o Babiloni. (Athwaayo yaahokollweella o Yerusalemu ni o Yuda, arive muthu o ntepe naye.)

⁷ Yawiille nimodda ni oohoollella monga Zerubabele, Yeshuwa, Nehemiya, Azariya, Raamiya, Nahamani, Mordekai, Bilishani, Misipereti, Bigivai, Nehumu ni Baana.

⁸ Echiwerengero ya allopwana a Aisraele yaari, Edduullu dda Paroshi ddaari 2,172.

⁹ Edduullu dda Shefatiya ddaari 372.

¹⁰ Edduullu dda Ara ddaari 652.

¹¹ Edduullu dda Pahatimowabu sika wi edduullu dda Yeshuwa ni Yowabu ddaari 2,818.

¹² Edduullu dda Elamu ddaari 1,254.

¹³ Edduullu dda Zatu ddaari 845.

¹⁴ Edduullu dda Zakai ddaari 760.

¹⁵ Edduullu dda Binui ddaari 648.

¹⁶ Edduullu dda Bebai ddaari 628.

¹⁷ Edduullu dda Azigadi ddaari 2,322.

¹⁸ Edduullu dda Adonikamu ddaari 667.

¹⁹ Edduullu dda Bigivai ddaari 2,067.

²⁰ Edduullu dda Adini ddaari 655.

²¹ Edduullu dda Atere oyo eeriwa Hezekiya ddaari 98.

²² Edduullu dda Hashumu ddaari 328.

²³ Edduullu dda Bezai ddaari 324.

²⁴ Edduullu dda Harifi ddaari 112.

²⁵ Edduullu dda Gibiyoni ddaari 95.

²⁶ Allopwana a o Betelehemu ni a o Netofa yaari 188.

²⁷ Allopwana a o Anatoti yaari 128.

²⁸ Allopwana a o Betazimaveti yaari 42.

²⁹ Allopwana a o Kiriyati Yearimu, Kefira ni Beeroti yaari 743.

³⁰ Allopwana a o Rama ni Geba yaari 621.

³¹ Allopwana a o Mikimashi yaari 122.

³² Allopwana a o Betele ni Ai yaari 123.

³³ Allopwana a o Nebo mmodda yaari 52.

³⁴ Allopwana a o Elamu mmodda yaari 1,254.

³⁵ Allopwana a o Harimu yaari 320.

³⁶ Allopwana a o Yeriko yaari 345.

³⁷ Allopwana a o Lodi, Hadidi ni Ono yaari 721.

³⁸ Allopwana a o Sena yaari 3,930.

³⁹ Allupa mukutho a nibanja na Yedaya edduullu dda Yeshuwa yaari 973,

⁴⁰ a Imeri yaari 1,052,

⁴¹ a Pashuri yaari 1,247

⁴² nave a Harimu yaari 1,017.

⁴³ Alevi a nibanja na Yeshuwa ni Kadimiyele sika wi edduullu dda Hodaviya yaari 74.

⁴⁴ Awiipa machipo, edduullu dda Asafu yaari 148.

⁴⁵ Alonda a millako dda enyumba ya Mulluku, edduullu dda Shalumu, Atere, Talimoni, Akibu, Hatita ni Shobai yaari 138.

⁴⁶ Allupa mutteko a o enyumba ya Mulluku, edduullu dda Ziha, Hasufa, Tabaoti,

⁴⁷ Kerosi, Siyaha, Padoni,

⁴⁸ Lebana, Hagaba, Shalimai,

⁴⁹ Hanani, Gidele, Gahara,

⁵⁰ Reaya, Rezini, Nekoda,

⁵¹ Gazamu, Uza, Paseya,

⁵² Besai, Meunimu, Nefishimu,

⁵³ Bakibuki, Hakufa, Harihuri,

⁵⁴ Baziluti, Mehida, Harisha,

⁵⁵ Barikosi, Sisera, Tema,

⁵⁶ Neziya ni Hatifa.

⁵⁷ Edduullu dda allupa mutteko a Solomoni ddaari edduullu dda Sotai, Hasopereti, Peruda,

⁵⁸ Yaala, Darikoni, Gidele,

⁵⁹ Shefatiya, Hatili, Pokereti Hazebaimu ni Amoni.

⁶⁰ Allupa mutteko a o enyumba ya Mulluku ni edduullu dda allupa mutteko a Solomoni ddaari 392.

⁶¹ Athu ayo yavenyenre o Telemela, Teleharisha, Kerubi, Adoni ni Imeri yahiwonre osimikizella wi makhollwiiwa yaari Aisraele,

⁶² Edduullu dda Delaya, Tobiya ni Nekoda yaari 642.

⁶³ Nave vaakhallattho amodda ayo yaari allupa mukutho, edduullu dda Habaya, Hakozi ni Barizilai (oyo amukusalle mwaariye ovenyera mwa anamwani aatthiyana a Barizilai Mugiliyadi nave akusalle nnddina na attiitthinnya a mwaariyooyo).

⁶⁴ Yahaashaasha manddiniiwa mu nibukhu na ntthopoollo na mallokwiiwa koma kheyaaphwanyeyemo. Sika yaachosiwa ollupa mukutho ekaamba yawi yooniwa wonanko ooripihiwa.

⁶⁵ Enduna yahaalleella wi ehichekena yoocha yaweellesesa ophiyera mullupa mukutho akohe Urimu ni Tumimu.*

⁶⁶ Echiwerengero ya athu attheene vamodda yaari 42,360.

⁶⁷ Waanjerera vaava yaakhalla ni allupa mutteko aallopwana ni aatthiyana 7,337, awiipa machipo aallopwana ni aatthiyana 245.

⁶⁸ Akavalo 736, enyuru* 245,

⁶⁹ ekamira* 435 ni abulu yaarivo 6,720.

⁷⁰ Amodda mwa oohoollella mabanja yaphiyalliiwa o enyumba ya Apwiya mu Yerusalemu, yaavelleella emphaso o enyumba ya Mulluku. Enduna yaavelleella wa oosunga eyuuma, makilogaramu 800 a golide, mabeseni 50 navettho mikanjo dda allupa mukutho 530.

⁷¹ Nave amodda mwa oohoollella a mabanja yaavelleella wa oosunga eyuuma makilogaramu 168 a golide ni makilogaramu 1,250 a siliva.

⁷² Nave athu anchichi amoddaalle yavelleelle makilogaramu 168 a golide, makilogaramu 140 a siliva ni mikanjo dda allupa mukutho 67.

⁷³ Allupa mukutho, Alevi, athu awiipa machipo, alonda ni allupa mutteko a o enyumba ya Apwiya ni Aisraele attheene yaahokollweella m'matepeni mwiwa.