Nchipo na Solomoni 8 - Mawu a Mulluku

¹ Ha! Wakhanlleke wonanko murokoraka, awaamwana nipelle nimodda! Kuuphwanyilleke vaatte, keerewuukhupaarella, oohikhallavottho mmodda ookivevulla.

² Keerewuukusella mpa mwa amoowaaka, naari muchipindani ya ayo yakiyanre. Keerewuuvaha vinyo awunkhella wi omuwirye, ni maaddi a ezipaso ddamakangaza.

³ Nnatta naye noonyottho niri vatthi va murwaaka, nnattanatta naye ninnakikhupaarella.

⁴ Nyu anamwalli a o Yerusalemu, ddawoona, kinimuuvekani. Kinallupella mu nnddina na mphoyo ni epaalla ddamuhakani wi echikondi muhiyitikheke apaalle oyivenyiha ophiyera epaallille mwaneeniiwa. Anamwalli

Nchipo naneetthanu ni nimodda

Anamwalli

⁵ Ethiyo olla ttaani anavenyera muutthakoni, amuhameelle ookondiwaaye? Namwalli Kahuuvenyiha vatthi va muteekho wa mapulosi. Vaavo sika amaayo yiithuwelliiwa vawuuyarani.

Namwalli

⁶ Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

⁷ Naari maaddi manchichi khewora othiimiha echikondi, naari maaddi a echigumula khewora oyikwekweresa. Naari muthu apaalla waakakhaniha echikondi ni eyuumaaye ettheene, aniivevullelle nivuddove. Arokoriye a namwalli

Arokoriye a namwalli

⁸ Nookhallana murokorihu mung'onong'ono, khanna naari mapelle. Ethiyo nimweerelle tini murokorihu va nllapo na okoheriwa waye?

⁹ Akhanlleke wonanko esiri, neeromumakella nttattha na siliva. Akhanlleke wonanko nchiwi, neeromwaapheelliha matabwa a mukunguza. Namwalli

Namwalli

¹⁰ Miyaano kiri wonanko esiri, mapellaaka tti wonanko mattattha. Wa musombwe ookondiwaaka kiri wonanko oowiiha murendelle. Musombwe

Musombwe

¹¹ Solomoni aakhallana emata yampesa o Baala Hamoni eyo aayipolleyihalleeye wa oollima. Arive oollima avelleelle makobiri a siliva, makobiri 1,000 ekaamba ya ezipasonnddo.

¹² Koma emataaka yampesa tti yaakayaaka! We Solomoni, halla ni makobiraawo 1,000, oollimaawo ehalle ni makobiriiwa 200.

¹³ We ookhalla m'matani, akhwaaka aareya maaru wi yiiwe mawaawo, kaakhullelle wi kiiwena.

¹⁴ Akuva ookondiwaaka musombwewe, okhalle wonanko mphoyo apaalle mwanapaalla anathamakella m'mwaangoni, mmo munamella ddawunkhelliha yoocha.