Nchipo na Solomoni 2 - Mawu a Mulluku

¹ Mi tti malluwa a o Saroni, kiri maduvi a mutapo. Musombwe

Musombwe

² Wonanko maduvi variyari va namasupuni, sikattho ookondiwaaka variyari va anamwalli. Namwalli

Namwalli

³ Wonanko mapulosi variyari va miteekho dda muutthakoni, sikattho ookondiwaaka variyari va asombwe. Kinnahakallallesesa vawiithuuwani va muuthuuchaaye, ddinnanang'aneya muwanommu ezipaso ddaye.

⁴ Aakikusella o enyumbaaye ya vinyo, aatthipella embendela yachikondi va miyaano.

⁵ Mukillipihe ni ezipaso ddawumma, mukihihimulle ni mapulosi, vawi kinavoriiwa echikondi.

⁶ Nnatta naye noonyottho niri vatthi va murwaaka, nnattanatta naye ninnakikhupaarella.

⁷ Nyu anamwalli a o Yerusalemu, ddawoona, kinimuuvekani, kinallupella mu nnddina na mphoyo ni epaalla ddamuhakani, wi echikondi muhiyitikheke apaalle oyivenyiha, ophiyera epaallille mwaneeniiwa. Namwalli

Nchipo naneepiilli

Namwalli

⁸ Ngiiwa, mawu a ookondiwaaka! Ngoona animawa, animaluphallupha vamwaangoni, animanthamuwanthamuwa va asimiyaango.

⁹ Okondiwaaka ari wonanko mphoyo apaalle mwanapaalla. Ngoonani, iimenlle okhote wa esiraahu, anawehera m'mawindoni, anatthurumella munyerengoni.

¹⁰ Ookondiwaaka anallota ni miyaano. Musombwe Venya ookondiwaaka, hanko nivenyevo, ooreeraaka.

Musombwe

¹¹ Ngoona, eyitta yoomalla, murimu oomwara nave oorowa,

¹² mwiillaponi malluwa ahaamba wooneya, Enthawi yawiipa yoophiya, mwiillaponi mwahu mawu a nnddiya enniiweya.

¹³ Namukuyu annaambeella wimma, mipesa ddinnattaphulla malluwa. Miteekhonnddo ddinnunkhellesesa. Venya ookondiwaaka, hanko nivenyevo, ooreeraaka.

¹⁴ We tti ekhundaaka, yookhalla m'mittharini dda malluku, mwawiipittheya phaama ni mooserereya. Koone ekhovaawo nave kiiwe mawaawo. Valle mawaawo tti ooddiva nave ekhovaawo tti yooreera.

¹⁵ Munipharelle akhatwe, akhatwe ang'onong'ono, ayo enoononga emata ddampesa, vawi mipesa ddohimma malluwa. Namwalli

Namwalli

¹⁶ Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

¹⁷ ophiyera ohinase, epiphi ethawille. Ohokollowe, ookondiwaakawe, tti wonanko mphoyo apaalle mwanapaalla variyari va miyaango dda mahongamahonga.