Mika 2 - Mawu a Mulluku

Mawu awaahumullulla awaahoosa oohoowa

¹ Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.

² Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

³ Sika Apwiya enallota wi, “Ngoonani, kineerewuumorihellani otulli ekaamba ya ddoonanaranndda. Kineerewuumakellellani nigoli* munikohini mwanyu nno muhinaaworeenyu onirulla. Khamuwa mweetattho mookota ekaamba yawi enthawi yeeyo enaakhalle yoonanara.

⁴ Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

⁵ “Vano va enthawi eyo Apwiya enaahokolloselliiwattho ellapo wa athwiiwa nyu khamwaakhella erive ello.

⁶ “Athu enakilleella wi, ‘Muhinillalleyelle, muthu ahinillalleyelle ddenndda vawi khaniwa niwulliwa muru.

⁷ Ethiyo nyu a nibanja na Yakobo, ddenndda tti ddoophwanella oddillota? Ethiyo oreera murima wa Apwiya woomalla? Ethiyo nndda sika eerilleeye? Ethiyo mawaaka khenawiiha ddaphaama wa aweeta moolungama?’ ”

⁸ Apwiya enallota wi, “Koma nyuwaano muri wonanko adani wa athwaaka. Munnawaakha mukanjo athu amurendelle aweeta murima ori m'mapuroni, oohiganizera dda ekhoto.

⁹ Munnaakhumiha mu enyumba ddiwa dda vamurimani awariwa a athwaaka nave aniiwa munnavirellella owaakha madaliswiiwa.

¹⁰ Timullani, venyanivo, nna khe nipuro nawiithuuwellavo. Machimwaanyu aaripiha nipuronna, aawiiha woonongeya wawoopiha.

¹¹ “Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

¹² “Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

¹³ Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.