Masalimo 95 - Mawu a Mulluku

Nchipo nootitimiha

¹ Waawoni niwiipelle Apwiya, hankoni nikhuwe moohakallalla wa alliwa, nlluku na ovullusiwa wahu.

² Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

³ Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

⁴ Mapuro oowallamella a va ellapo yavatthi eri m'mattani mwiwa, miyaango ddoorekama tti ddayiwattho.

⁵ Enyanja tti yayiwa vawi tti alliwa yayiphatusalle, mutunda tti wayiwattho vawi tti alliwa yawupangille.

⁶ Waawoni naavekelle nave naallapelle, hankoni nikokhore vamiitthoni va Apwiya oophatusaahu.

⁷ Alliwa tti Mullukwaahu, hiyaano tti athu a obusani wiwa, enkhosa dda m'mattani mwiwa. Ollellove iwani mawiiwa,

⁸ muhummihe mirima ddanyu wonanko o Meriba, wonanko nllapo na o Masa muchipululuni,

⁹ wulle makhollwaanyu yakeesilliiwa, naari yoonille mitteko ddaka.

¹⁰ Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

¹¹ Sika kishille murima kaallupella wi, “Khewa evollowa mu nipuro naka nawiithuuwellamo.”