Masalimo 93 - Mawu a Mulluku

Apwiya sika mwene

¹ Apwiya sika mwene, alliwa aawara ntitimiho, aamakella masiva wonanko laamba. Yaakeraatthiha ellapo yavatthi, khewa etikheya.

² Mpandwaanyu woomwene, waakeraattheya waambeella khalle, nyuwaano mwaakhallawo ovenyera khalle.

³ Nyu Apwiya, enyanja dduullupalli ddooddalla, ddinnathuruma mwawoopiha, mafundiiwa ennanyakulla wunchichi.

⁴ Apwiya ooddullu tti amasiva okhwaranya othuruma wa enyanja onyakulla mafundiiwa.

⁵ Nyu Apwiya malamulwaanyu tti oororomelleya, enyumbaanyu tti yaweella wa enthawi yoohimalla.