Masalimo 87 - Mawu a Mulluku

Oriihiwa wa Yerusalemu

Salimo na edduullu dda Kora. Nchipo.

¹ Apwiya aakeraatthiha muzindiiwa vamwaangoni waweella.

² Apwiya ennakonda millako dda Ziyoni okhwaranya orive weko nko Yakobo anakhalleeyewo.

³ We muzinda wa Mulluku, athu ennallota ddinchichi ddawuuriiha.

⁴ Ennallota wi, “Variyari va ayo enakidduwella kinnaaromolla Rahabu ni Babiloni, ngoonani, Filistiya, Tiro ni Kushi, alla yayarelliwe wenko.”

⁵ Vano eneerollota dda Ziyoni wi, “Olla ni olle yayarelliwe mwemmo, vawi Amasiva Mattheene sika anaawukeraatthihe.”

⁶ Apwiya eneeroweerenga, vawaalembani athu a mitundu ddittheddene, ayo yayarelliwe wenko.

⁷ Awiipa ni awiina eneerollota wi, “Aneetuutwaaka attheene eri mwa weyaano.”