Masalimo 82 - Mawu a Mulluku

Mulluku oolamulella muullupalli

Salimo na Asafu.

¹ Mulluku annahoollella mutthukumano wooddullu, annakamulla millatu dda milluku.

² Anallota wi, muneeruzeke moohilungama ni waakondella athu oonanara ophiyera niini?

³ Weerelleni ddoolungama athu oofooka ni oohiyiwa, weeruzeni moolungama oohoosiwa ni oohoowa.

⁴ “Waakihereni oohoowa ni oopaneya, avulluseni m'mattani mwa athu oonanara.”

⁵ Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

⁶ Kaallota wi, “Nyu tti milluku, attheenenyu tti anamwani a Mulluku Amasiva Mattheene.

⁷ Koma munaakhwe wonanko athu, munaamore wonanko arive oolamulella shisha.”

⁸ Nyu Mulluku, venyani, eruzani ellapo yavatthi, vawi mitundu dda athu ddittheddene tti ddaanyu.