Masalimo 81 - Mawu a Mulluku

Nchipo na ehakallallo

Wa oohoollella wiipa, voottakihani miipello a Gititi. Salimo na Asafu.

¹ Ipani moothapella wa Mulluku amasivaahu, khuwani moohakallalla wa Mulluku a Yakobo.

² Ambani nchipo, ipani ekoma vamodda ni gitala awinlla phaama ni zeze.

³ Ipani nipallapata va wooneya wa mweeri, wooneya wamututha va nllapo na ehakallallo.

⁴ Vawi tti lamulo nowaakhallella a Israele noovenyera wa Mulluku a Yakobo.

⁵ Aanivelleella lamulonno wa edduullu dda Yosefe ddakhumiiwa mu ellapo ya Iguputo. Kinniiwa mawu ayo kihinawiiwekeemivo ovenyera khalle, awi,

⁶ “Kahuurullani katundu a m'mathurini mwanyu, mattaanyu kahaavenyihella mutteko wootukhulla madengu.

⁷ Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

⁸ Nyu athwaaka ngiiwani, kuulangizeni, nyu Aisraele, pepaani kiiwellelleni!

⁹ Vihiwe vikhalla mulluku eelleto variyari vanyu, muhiwe mumullapella mulluku mmodda.

¹⁰ Mi tti Apwiya Mullukwaanyu, oyo uukhumihalleni mu ellapo ya Iguputo, atthamani, miyaano kineerewuuchihani.

¹¹ Koma athwaaka kheyaawiiwellelle mawaaka, nave Israele aakivevulla.

¹² Sika kahaahiya ni mirima ddiwa ddawuumannddo wi ethwareke nnddo yapaalliiwa.

¹³ Athwaaka yakiiwellelleke, Aisraele yathwanreke ettilla ddaka,

¹⁴ ddaano naanweene vaava kaagonjihelle adaniiwa, nnatta naka neerowiipha awiitananiiwa.

¹⁵ Athu ayo eniitana ni Apwiya, yeerowarama vamiitthoni viwa, otulliiwa weerokhallawo wa enthawi yoohimalla.

¹⁶ Keerewuuchihani othu woosilleya wa tirigu, keerewuuvonihani ni enwi yam'mallukuni.”