Masalimo 75 - Mawu a Mulluku

Mulluku aneereweeruza

Wa oohoollella wiipa, voottakihani miipello a nchipo nawi Muhinoononga. Salimo na Asafu. Nchipo.

¹ Nyu Mulluku, ninnuuthokozani, ddawoona, ninnuuthokozani vawi nnddina nanyu nohaatamella, ninnallalleya mitteko ddanyu ddoottikhiniha.

² Munnallota wi, “Va enthawi eyo kinaayikeraatthiheemi, kineereweeruza moolungama.

³ Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

⁴ Kinnaalleella athu awiitukhulla wi, ‘Muhiinyarulleke.’ Kinnaalleella athu oonanara wi, ‘Muhiitukhulleke ekaamba ya masivaanyu.

⁵ Muhiinyarulleke ekaamba ya masivaanyu, voollotani epewe.’ ”

⁶ Okamulla millatu khovenyera wookhuma nndduwa, apaalle woovollowa nndduwa apaalle ochipululuni.

⁷ Koma tti Mullukuve oyo anakamulla millatu, annamukitthiha mmodda amuwelliha mmodda.

⁸ Ollaka wa Apwiya tti wonanko m'mattani mwiwa ooddalla ni vinyo ookhuma niphoru ni oowaawa. Ammimina vinyooyo oonanara attheene a va ellapo yavatthi eneeromuwirya, ophiyera yoombonlle ddoohalla mukapunimmo.

⁹ Koma miyaano kineerollalleya wa enthawi yoohimalla. Kineerowiipa machipo oomutitimiha Mulluku a Yakobo

¹⁰ Olliye aneerewaakitthiha athu attheene oonanara koma aneerewaawelliha athu oolungama.