Masalimo 70 - Mawu a MullukuNivekello na okaviheriwa ( Mas 40.13-17 ) Wa oohoollella wiipa. Salimo na Davide na winlla. 1 Nyu Apwiya, kivulluseni! Nyu Apwiya, akuvani okikavihera! 2 Evevuwe nave ewulliwe muru attheene enaashaasha okumaaka. Ehokollweelle mutulli, ethawe mwanampallalla ayo enapanganella yoonanara. 3 Ayo enakinyemulla wi, “Ha, Ha,” ewulliwe muru vawoonani wi aalephela. 4 Koma attheene oowaashaashaani ehakallalle ekaamba ya nyuwaano. Attheene oohakallallella ovullusa wanyu ellotekelloteke wi, “Apwiya tti uullupalli!” 5 Mi tti oofooka nave oohoowa, nyu Mulluku, waawoni mwawaakuva. Nyu tti ookikaviheraaka ni oovullusaaka, nyu Apwiya, muhinaselliwa okikavihera. |
The Bible in Elhomwe © The Bible Society of Malawi, 2019.
Bible Society of Malawi