Masalimo 67 - Mawu a Mulluku

Nchipo noothokoza

Wa oohoollella wiipa, voopharihani mutteko ezida dda enthambo.

¹ Nyu Mulluku, muneerelle echifundo nave munidalise, ekhovaanyu eniwalelle.

² Ettillaanyu edduwanyeye va ellapo yavatthi, ovullusa wanyu variyari va mitundu athu ddittheddene.

³ Nyu Mulluku, mitundu dda athu dduutitimiheni, athu attheene yuuthokozeni.

⁴ Mitundu ddittheddene dda athu ddikhuwe moohakallalla, kaambiiwa munnaweeruza mwa echilungamo ni waahoollella va ellapo yavatthi.

⁵ Nyu Mulluku, mitundu dda athu dduutitimiheni, athu attheene yuuthokozeni.

⁶ Ethaya yahimma ezipaso ddiwa, Mulluku, Mullukwaahu oonidalisa!

⁷ Ddawoona, Mulluku oonidalisa! Athu attheene a va ellapo yavatthi emooveke.