Masalimo 61 - Mawu a Mulluku

Nivekello na echitetezo

Wa oohoollella wiipa, voopharihani mutteko ezida dda enthambo. Salimo na Davide.

¹ Nyu Mulluku, iwani winlla waka, apellani maaru ovekella waka.

² Miyaano ookhalla omamallihello wa ellapo yavatthi, kootathilla murima nave kinawiithanani nyuwaano, kihoollelleni o nlluku noorekama okikhwaranya miyaano.

³ Nyuwaano sika woothawella waka, nttattha noollipa nookiteteza wa adani.

⁴ Kinapaalla kikhalle mpa mwanyu enthawi yoohimalla, Kinakhwella kiipitthe vatthi va muuphellwaanyu.

⁵ Nyu Mulluku, mohiiwa nnddo killupenlleemi, mookivaha yaakayaaka eyo enaakhella athu oowoovani.

⁶ Rekamihani okumi wa mwene, miyakha ddaye ddiphiyere mibado ddittheddene.

⁷ Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

⁸ Sika enthawi ettheene kineerewiipa machipo awuutitimihani, nllapo ni nllapo kineerekeweera nnddo kallupenlleemi.