Masalimo 58 - Mawu a Mulluku

Omuveka Mulluku wi aallake athu oonanara

Wa oohoollella wiipa, voottakihani miipello a nchipo nawi Muhinoononga. Salimo na Davide na mutundu wa Mikitamu.

¹ Nyu oolamulella, ethiyo munnakamulla mullatu mwa echilungamo? Ethiyo munnaweeruza athu mwawoona?

² Iyaayi, mirima ddanyu ddinaganiza ddoonanara, echiweruzwaanyu yoohilungama ennawiiha echiwawa.

³ Athu oonanara tti oohollowa waambeella eri m'murimani mwa ameewa, athu anamullota tti ootathiya waambeella nllapo na oyariwa wiwa.

⁴ Aakhalla ni nttipwi wonanko na enowa, tti wonanko namarawe oohiiwa, eyo ewanlle maarwiiwa.

⁵ Sika kheniiwa mawu awiithaniwa ni amasenga naari ari oochenjera mwawiidde.

⁶ Nyu Mulluku, khullani miino muwano mwiwa, nyu Apwiya, kaddani etwaatwara dda mikangonndda.

⁷ Ahiyeni erimeelle wonanko maaddi oovira, mipaamba ddiwa ddaanyaallelle wonanko manasi makitthi.

⁸ Ekhalle wonanko munta oyo onattotthowa waaweetaka, ekhalle wonanko mwaana ookhote oyo ahoonille nndduwa.

⁹ Epalli ddanyu ddihinavihe ni ekhuni, ddikitthi apaalle ddawumma, Apwiya eneeroddishella.

¹⁰ Oolungama aneerohakallalla vawoonani ohokolloselliwa ddoonanara, aneerohuwa manyallwaaye mu nikhame na athu oonanara.

¹¹ Sika athu ellota wi, “Ddawoona, oolungama ennathuviwa, Mulluku ookhallawo oyo aneeruza ellapo yavatthi.”