Masalimo 54 - Mawu a Mulluku

Nivekello na echitetezo

Wa oohoollella wiipa. Endakatulo ya Davide yoowiipella ezida dda enthambo. Azifi aari amulleelle Saulo wi Davide iipitthalle owaniwa.

¹ Nyu Mulluku, kivulluseni ni nnddina nanyu, onihani ni masivaanyu wi ngilakwille.

² Nyu Mulluku, iwani ovekella waka, apellani maaru mawu avayanoni vaka.

³ Athu eelleto aakiwukila, athu eekuku enaashaasha okumaaka, alliwa khenaganiza dda Mulluku.

⁴ Koma Mulluku sika anakikavihera, Apwiya sika enaseera okumaaka,

⁵ aneerewaahokollosella ddoonanara adanaaka. Nyu Apwiya, woonongeni ekaamba ya ororomelleya wanyu.

⁶ Nyu Apwiya, kineerovelleella mukutho wa nyuwaano moopaalla mwaka. Kineerotitimiha nnddina nanyu vawi nyuwaano tti aphaama.

⁷ Mookivullusa mu ddookatamiha ddaka ddittheddene, koohakallalla vawoonani adanaaka attheene egonjaka.